Pritet që në tregun e karburanteve së shpejti në Shqipëri të futet një gjigant tjetër siç është kompania amerikane Shell e tregtimit të karburanteve, pas mbylljes së Gulf. Ekipi, bëhet e ditur, se po punon këto ditë në Shqipëri për të përmbyllur detajet përfundimtare. Në tregtinë me pakicë, Shell do të vijë përmes kompanisë greke Coral S.A. zotëruese e patentës për markën Shell në Greqi dhe Serbi.
Kompania Shell është e pranishme në vendin tonë në fushën e kërkimit. Nga fillimi i këtij viti ajo arriti një marrëveshje me qeverinë shqiptare për kërkim nafte në Shpirag. Procesi i kërkimit ndahet në tri faza, që zgjasin gjithsej 25 vjet. Vlera e investimit është parashikuar 42 milionë dollarë.
Lexo: SHELL, një kontratë e re 42 milionë euro për kërkim nafte në Shqipëri
Vetëm disa muaj më vonë Shell zbuloi rezerva nafte dhe gazi në zonën e Beratit. Pas kësaj, kompania nënshkroi marrëveshje me qeverinë shqiptarë për të bërë kërkime për naftë në zona të tjera në pjesën juglindore të vendit.
Prania e një kompanie me emër ndërkombëtar pritet të pëmirësojë konkurrencën në tregtinë me pakicë të naftës, ndonëse marka të tjera, edhe pse ndërkombëtare, rezultuan një zhgënjim për konsumatorët shqiptarë.
Gulf, iku duke u lënë mijëra lekë kupona në duar klientëve individë e kompani. Ata nuk morën përgjigje as dëmshpërblim.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
