Lista e kompanive që kanë vendosur të bojkotojnë Facebook-un dhe mediat sociale është duke u shtuar. E fundit që i bashkohet, pas kompanisë Coca-Cola, është gjiganti i rrjeteve Starbucks, i cili ka njoftuar pezullimin e reklamave në të gjitha platformat. “Ne jemi kundër përmbajtjes së urrejtjes dhe besojmë se bota e biznesit dhe ajo e politikës duhet të bashkohen për të sjellë ndryshim real”, deklaroi kompania.
Në fillim ishin pak biznese të vogla, biznese lokale, një galaktikë reklamuesish të zhgënjyer nga një botë e medieve sociale tepër të ndrojtur për të denoncuar dhe luftuar urrejtjen dhe racizmin në platformat e tyre. Pas ”cunamit” të protestave pas vdekjes së afro-amerikanit, George Floyd, ngritja e vërtetë e fushatës së bojkotit” Stop Urrejtjes”, iu bashkuan emra të mëdhenj si Unilever, Verizon, Honda, Levi Strauss, North Face, Patagonia dhe deri te shumëkombëshja Coca-Cola.
Gjigandi global ka njoftuar se duke filluar nga 1 korriku, do të pezullojë, për të paktën një muaj, të gjitha reklamat në Facebook, Instagram, YouTube, Twitter dhe platforma të tjera sociale. Goditja për Facebook mund të jetë shumë e rëndë. Coca Cola dhe Verizon shpenzuan mbi 22 miliard dollarë secila në rrjetet sociale vitin e kaluar, gjigandi anglo-holandez Unilever mbi 42 milion, Honda America 6 milion, ndërsa Levi pagoi 2.8 milion.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
