Paraja është mbret, kur vjen fjala për të motivuar punonjësit të lënë cigaren.
Sipas një studimi të ri, mënyra më e mirë për të lënë cigaren është duke ju ofruar konsumatorëve para.
Studimi i publikuar nga Revista e Mjekësisë The New England, anketoi 6,006 duhanpirës në 54 kompani Amerikane.
Nga këta, 1.191 u klasifikuan si “të gatshëm për të hequr dorë” dhe më pas atyre ju ofruan mjete të ndryshme për t’i ndihmuar.
Njëri grup u pajis me literaturë për benefitet e lënies së duhanit (më pak se 1% hoqën dorë brenda 6 muajve). Një tjetër grup mori falas, çamçakëz, ngjitëse dhe pilula kundër konsumit të duhanit (2.9% e tyre hoqën dorë). Grupi i tretë mori falas një cigare elektrike (4.8% e tyre ndaluan pirjen e duhanit).
Dy grupe të tjera morën një bonus: Para.
Njëri grup mori dhe mjetet për të ndihmuar në lënien e duhanit dhe një shpërblim monetar: 100$ pas muajit të parë, një bonus me 200$ pas tre muajve dhe 300$ të tjera në muajin e gjashtë. Në fund 9.5% e tyre e lanë cigaren.
Grupit tjetër iu dha çdo produkt i pirjes së duhanit që ata donin dhe u kërcënuan që 600 dollarë në llogarinë e tyre do të merreshin nëse ata do të pinin sërish duhan. 12.7% e tyre hoqën dorë në kufirin e gjashtë muajve.
Gjysma e atyre që arritën kufirin gjashtëmujor vazhduan të përmbahen nga pirja e duhanit për një vit.
Njerëzit janë shumë më të motivuar për të shmangur humbjen e 100 dollarëve sesa për të fituar 100 dollarë, edhe pse, ekonomikisht, ato janë anët e kundërta të së njëjtës monedhë.
Përsa i përket cigareve elektronike, nuk ka asnjë studim që tregon se ato janë efektive në lënien e duhanit.
Ky studim, vjen në momentin kur ndihma e cigareve elektronike për lënien e cigares është një temë që ka shumë debat. Qendrat për Kontrollin dhe Parandalimin e Sëmundjeve, thonë se cigaret E janë më pak të dëmshme sesa cigaret tradicionale, por ka një paralajmërim se ato janë të rrezikshme pasi përmbajnë “agjentë kancerogjen”.
/Fortune
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
