INSTAT raportoi se në 3-mujorin e tretë 2021, shkalla zyrtare e papunësisë në Shqipëri është 11,3%. Papunësia u ul me 0,3 pikë përqindje, në krahasim me 3-mujorin e tretë të vitit 2020, ashtu dhe me 3-mujorin e dytë të vitit 2021.
Shkalla zyrtare e papunësisë për burrat është 10,9% dhe për gratë 11,7%. Krahasuar me të njëjtin 3-mujor të vitit 2020, shkalla e papunësisë është ulur me 0,5 pikë përqindje për burrat, dhe është ulur me 0,1 pikë përqindje për gratë.
Papunësia ka rënë dhe tek të rinjtë. INSTAT njoftoi se shkalla zyrtare e papunësisë për të rinjtë 15-29 vjeç është 19,9%. Krahasuar me 3-mujorin e tretë të vitit 2020, shkalla e papunësisë për të rinjtë në 3-mujorin e tretë 2021 është ulur me 0,8 pikë përqindje.
Krahasuar me 3-mujorin e dytë 2021, ky tregues nuk ka ndryshuar.
Shkalla e papunësisë për grup-moshën 30-64 vjeç është 8,7%. Gjatë 3-mujorit të tretë të vitit 2021, shkalla e punësimit për popullsinë 15-64 vjeç është 62,0%. Në terma vjetorë, punësimi rritet me 10% në sektorin e industrisë, me 0,5% në shërbime, ndërsa ulet me 4,5% në sektorin e bujqësisë. Krahasuar me tremujorin e mëparshëm, punësimi për popullsinë 15 vjeç e lart u rrit me 2,4%. Punësimi u rrit me 4,9% në sektorin e industrisë, me 1,3% në sektorin e shërbimeve dhe 2,3% në sektorin e bujqësisë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
