Pandemia paraqet rreziqe të reja, BE krijon njësinë kundër krimit financiar

Bashkimi Europian ka ngritur njësinë investigative kundër krimit financiar, për të trajtuar një rritje të pritshme të krimit financiar për shkak të rënies ekonomike të shkaktuar nga pandemia COVID-19 dhe të godasë mashtrimin e subvencioneve shtetërore. Qendra Europiane e Krimit Financiar dhe Ekonomik (European Financial and Economic Crime Centre, EFECC) do të funksionojë brenda Europol-it dhe do të punësojë rreth 65 analistë që do të merren me mbledhjen dhe shkëmbimin e inteligjencës.

“Goditja nga pandemia e Covid-19; ka dobësuar ekonominë tonë dhe ka krijuar vulnerabilitete të reja nga të cilat krimi mund të shfaqet”, shprehet drejtoresha e Europol-it, Catherine De Bolle, duke shtuar se kjo qendër do të fokusohet në luftimin e pastrimit të parave, skemave të mashtrimeve financiare dhe korrupsionit, të cilat zakonisht rriten në kohëra krizash.

Europol shprehet se sektorë si ndërtimi, argëtimi, udhëtimi dhe turizmi janë në risk më të lartë për tu infiltruar apo zotëruar nga kriminelët gjatë krizave ekonomike teksa kompanitë luftojnë për t’i mbijetuar rënies ekonomike.

Ajo gjithashtu paralajmëroi se subvencionet e ofruara gjatë pandemisë “ do të shënjestrohen nga keqbërësit që përpiqen të përfitojnë nga fondet publike”. Mashtrimet që përfshijnë  pajisjet mjekësore gjithashtu janë në rritje.

Analistët e Europolit do të ndihmojnë autoritetet në 27 vendet anëtare të BE-së për të kryer investigime kundrejt krimit financiar dhe shkëmbimit të inteligjencës. Kjo njësi pritet gjithashtu që të ndihmojë me konfiskimin e fitimeve të krijuara nga aktiviteti kriminal, ku vetëm 1% e tyre janë kapur e konfiskuar ne Europë.

REUTERS

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale