Nga Fatima Gorezi – Qeveria shqiptare ka hapur zyrtarisht prej korrikut aplikimet për “Paketën e Maleve”, një program që synon të sjellë investime të reja në zonat malore, të forcojë ekonominë vendore dhe të ofrojë mundësi të reja për emigrantët që duan të kthehen në vendlindje. Me anë të kësaj pakete, 500 aplikuesit e parë përfitojnë lehtësira fiskale për një dekadë të tërë, duke përfshirë përjashtimin nga TVSH-ja, tatimi mbi të ardhurat, taksat mbi pasuritë e paluajtshme dhe taksën e infrastrukturës.
“Paketa e Maleve” përfaqëson një nga nismat më ambicioze të qeverisë shqiptare për rigjallërimin e zonave të braktisura malore. Por a është kjo paketë një strategji afatgjatë e menduar mirë, apo një eksperiment që mund të prodhojë efekte të paparashikuara?
Ekonomia e nxitjeve fiskale
Në thelb, paketa i jep 500 aplikuesve të parë një “bonus” të fuqishëm: zero taksa për 10 vjet, tokë me 1 euro dhe përjashtim nga barrat fiskale kryesore. Lehtësitë fiskale janë padyshim një magnet për sipërmarrësit. Një biznes i vogël agroturizmi apo një bujtinë në male që për 10 vjet nuk paguan taksa, nis me një avantazh të jashtëzakonshëm. Në një vend ku informaliteti dhe kostot fiskale shpesh pengojnë zhvillimin, kjo politikë mund të krijojë një “valë të re” aktivitetesh të ligjshme.
Artikull ekskluziv i Business Magazine Albania.
Ky artikull gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Business Magazine Albania” shoqëruar me linkun e artikullit origjinal
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
