OTP Bank në Shqipëri. Një histori 15 vjeçare këmbëngulje


Banka hungareze OTP, kishte konkuruar për të hyrë në tregun shqiptar 15 vite më parë. Sot, kur ajo ka blerë të gjitha aksionet e bankës Societe Generale, u prezantua zyrtarisht në Tiranë.

Dr. Sándor Csányi, Drejtor i Përgjithshëm i OTP Bank është shprehur i lumtur, gjatë një konference për shtyp, për finalizimin e transaksionit në Shqipëri, duke theksuar se tentativa e parë për të hyrë në tregun shqiptar u bë 15 vite më parë, kur nuk ia dolën të blinin Bankën e Kursimeve.

Duke e vlerësuar Shqipërinë si një ekonomi dinamike, z. Csányi tha se OTP ka blerë një bankë të madhe dhe të fuqishme.

Objektiv i OTP është rritja më tej e peshës në tregun shqiptar, ndërsa pritet që investimi aktual të mund t’i kthehet kompanisë brenda pesë viteve të ardhshme.

I pyetur nga gazetarët, ai tha se plani i zgjerimit do të varet nga këshillat e stafit shqiptar. Një blerje tjetër e mundshme do të varet nga rrethanat. Për Shqipërinë, drejtor i OTP është z.Bledar Shella. Duke theksuar se banka është e pesta më e madhja në vend, z.Shella tha se do të investohet në dixhitalizimin e shërbimeve dhe rritjen e kredisë përmes hapjes së degëve të reja.

Duke u bazuar nga aktiviteti i OTP në Hungari, banka ka interes për investime në bujqësi, në industri e prodhim. Prania e një banke hungareze pritet të krijojë edhe një terren të përshtatshëm për biznesin hungarez.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale