Intervistë me Faola Hodaj, organizatore e StartUp Live #7
Si janë idetë e këtij viti në lidhje me idetë e viteve paraardhëse.
Mendoj se është e njëjta linjë. Pra, janë të bazuara tek ICT. Kështu ndonëse ndonjëherë duhet të fokusohemi në gjëra që me të vërtetë mund të ketë nevojë Shqipëria, e kthejmë syrin më shumë nga Europa. Por, kemi risi sepse një grup do që të bashkëpunojë me qeverinë.
Pra, StartUp Live jo domosdoshmërisht pranon vetëm ide brenda ICT?
Ne e kemi hapur fushën sepse mendojmë se tregu shqiptar ka nevojë për shumë fusha dhe nuk mund ta kufizojmë vetëm me teknologjinë e informacionit. Për më tepër që për ICT ka shumë konkurse dhe evente. Ne jemi pjesë e rrjetit, por pse të mos u japim mundësinë që ata të lëvizin në profilet e tyre.
Nga cilët sektorë do të donit t’i shihnit startup-et e tjera që mungojnë ose janë në numër të vogël?
Shqipëria ka shumë nevojë në turizëm. Edhe në bizneset sociale duhet akoma më shumë angazhim dhe mund për t’i mbajtur, për të gjetur kapitalin për vitet e para dhe më pas për të bashkëpunuar me të tjerët.
Është hera e 7 që StartUp Live zhvillohet. A u përmbushën pritshmëritë në këtë edicion?
Pritshmëritë e mia ishin më të larta në këtë edicion, ndonëse çdo vit mësoj që rinia shqiptare është pak “e përgjumur” dhe duhet “tundur”. Por, pritshmëritë ishin më të larta sepse po ofrojmë gjëra më të mëdha. Eventi i motivoi pasi patën mundësi takimi dhe përfshirje. Edhe konsulenca financiare, ligjore, e kurse falas, janë me vlerë për ta.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
