OpenAI është duke negociuar me Microsoft për të rishkruar kushtet e partneritetit të tyre prej miliarda dollarësh, një hap i rëndësishëm që synon t’i hapë rrugë një daljeje të mundshme të OpenAI në bursë (IPO), ndërkohë që siguron aksesin e vazhdueshëm të gjigantit të softuerit në modelet më të avancuara të inteligjencës artificiale.
Sipas burimeve të FT, një nga çështjet kyçe është se sa aksione në biznesin fitimprurës të ri të OpenAI do të marrë Microsoft në këmbim të më shumë se 13 miliardë dollarëve që ka investuar deri më tani. Thuhet se Microsoft është i gatshëm të heqë dorë nga një pjesë e aksioneve të veta në këmbim të aksesit afatgjatë në teknologjitë më të reja, edhe përtej afatit të vitit 2030.
Gjithashtu, palët po rishikojnë edhe termat e marrëveshjes më të gjerë të bashkëpunimit, e cila u hartua fillimisht në vitin 2019, kur Microsoft investoi për herë të parë 1 miliard dollarë në OpenAI.
As Microsoft dhe as OpenAI nuk kanë komentuar publikisht për këto raportime deri më tani.
Lexo edhe: Bitcoin arrin vlerën $104k – Çfarë pritet të ndodhë më pas?
Javën e kaluar, The Information raportoi se OpenAI u ka bërë me dije investitorëve të saj se do të ndajë një përqindje më të vogël të të ardhurave me mbështetësin e saj më të madh, ndërsa organizata përgatitet për një ristrukturim të mundshëm.
Në janar të këtij viti, Microsoft ndryshoi disa nga termat e marrëveshjes me OpenAI pasi hyri në një sipërmarrje të përbashkët me Oracle dhe SoftBank të Japonisë, për të ndërtuar qendra të të dhënave të inteligjencës artificiale në SHBA me vlerë deri në 500 miliardë dollarë.
Financial Times
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
