Nvidia, prodhuesi më i madh i çipeve në botë, njoftoi të enjten se do të investojë 5 miliardë dollarë (4,23 miliardë euro) në Intel dhe do të bashkëpunojë me gjigandin amerikan të teknologjisë për zhvillimin e produkteve të reja.
Intel do të dizajnojë dhe prodhojë qendra të dhënash të personalizuara dhe produkte kompjuterike, të cilat do të ndërtohen krah për krah me kompaninë më të vlefshme publike në botë.
Sipas marrëveshjes, Intel do të krijojë çipe të personalizuara për platformat e inteligjencës artificiale të Nvidia-s, ndërsa për kompjuterët personalë, Intel do të ndërtojë procesorë që integrojnë teknologjinë e Nvidia-s.Nvidia tha se do të blejë aksione të zakonshme të Intel-it në vlerën prej 23,28 dollarë për aksion, një investim që mbetet i kushtëzuar nga miratimi i autoriteteve rregullatore.
Lexo edhe: Meta sfidon realitetin, Zuckerberg prezanton syzet e reja inteligjente me AI
“Kjo bashkëpunim historik lidh ngushtë platformën e përshpejtuar të Nvidia-s me CPU-të e Intel-it dhe ekosistemin e gjerë x86,një shkrirje e dy platformave botërore,” u shpreh CEO i Nvidia-s, Jensen Huang. “Së bashku, do të zgjerojmë ekosistemet tona dhe do të vendosim themelet për epokën e re të kompjuterizimit.”
Ky është një shpëtim për Intel-in, pionierin e Silicon Valley-t që dikur udhëhiqte rritjen e teknologjisë falë procesorëve të tij për kompjuterët personalë, por që mbeti pas me revolucionin e pajisjeve mobile pas vitit 2007 dhe më vonë gjatë bumit të inteligjencës artificiale.
Në tregun parësor, aksionet e Intel-it u rritën me 30%, ndërsa ato të Nvidia-s me gati 3%.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
