Është e vërtetë që paratë mund ta bëjnë më të lehtë ndjesinë e pasurisë së kohës, përmes pagesës së shërbimeve që kursejnë kohë, si pastrimi i shtëpisë, kujdesi për fëmijët apo blerjet online. Por sipas Sethi-t, ky nuk është një kusht i domosdoshëm.
“Paratë kanë rol, por nuk janë gjithçka,” shprehet ai. “Nëse nuk ke mundësi të bësh udhëtime të shpeshta apo pushime të gjata, kjo nuk do të thotë që nuk mund të ndihesh i pasur në kohë. Pyetja është: a mund të gjesh 10–15 minuta në ditë për diçka që e shijon vërtet?”
Edhe momentet më të vogla të kënaqësisë, një pushim i shkurtër pasditeje, një shëtitje e qetë, një ritual i vogël personal, mund të ndikojnë ndjeshëm në cilësinë e jetës.
Kur është e mundur, ai këshillon të investosh për të blerë kohë, jo gjëra. Të paguash dikë për një punë që nuk të pëlqen, në mënyrë që ato orë t’i kalosh me familjen, partnerin apo miqtë. Studimet tregojnë se shpenzimi i parave për shërbime që kursejnë kohë lidhet drejtpërdrejt me rritjen e kënaqësisë nga jeta. Profesori i Harvardit dhe eksperti i lumturisë Arthur C. Brooks ka theksuar se, kur i heq vetes barrën e punëve të lodhshme, fiton më shumë kohë për marrëdhënie dhe përvoja që të bëjnë realisht të lumtur.
Pasuria e vërtetë matet me kohën
Sondazhe të fundit tregojnë se shumica e njerëzve janë të gatshëm të paguajnë më shumë për shërbime që u kursejnë kohë. Megjithatë, një pjesë e tyre pranon se ndonjëherë shpenzon më shumë sesa mund të përballojë. Mesazhi i Sethi-t është i qartë: pasuria e kohës nuk lidhet domosdoshmërisht me sa fiton, por me sa vetëdije i bën zgjedhjet e tua. Edhe pak minuta të mbrojtura çdo ditë mund ta ndryshojnë mënyrën se si e përjeton jetën.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
