Shkruar nga Armela Toska
Projekti Nord Stream 2, është një nga nismat më të mëdha të Rusisë për të rritur varësinë gjeopolitike të Europës ndaj saj. Tashmë prej më shumë se nëntë vjetësh, gazi rus po rrjedh përmes tubacionit nënujor Nord Stream 1 në Detin Balltik. Me përfundimin e binjakut të saj, Nord Stream 2, aktualisht i ndaluar rreth 160 km larg brigjeve gjermane, pritet të dyfishohet eksporti i gazit të Rusisë përmes tubacioneve baltike.
Nord Stream 2 nuk është thjesht një investim kapital, por është një platformë marrëdhëniesh politike dhe ekonomike, e vënë në diskutim fuqishëm pas helmimit të 20 Gushtit të Alexey Navalny, kundërshtarit kyç të Vladimir Putin. Navalny, kritiku më i madh i presidentit rus, u helmua teksa po udhëtonte nga Siberia drejt Moskës. Evidencat treguan në mënyrë të padiskutueshme se ai ishte helmuar me ‘novichok’, lëndë helmuese e përdorur nga regjimi rus për eleminimin e disidentëve.
Pjesë e një liste të gjatë, ndërhyrjesh, veprimesh agresive të Rusisë, tentativa për vrasje, vrasje, pjesmarrje në konflikte e krijim situatash destabilizuese, helmimi i Navalny tregoi natyrën e paqëndrueshme të partneritetit që Rusia u ofron vendeve të tjera dhe sjelljen prej gangsteri të Kremlinit zyrtar. Menjëherë pas helmimit, parlamenti gjerman i kërkoi Kancelares Merkel që të ndërpriste marrëdhëniet me Rusinë dhe projektin Nord Stream 2 dhe është e qartë se ky helmim do i kushtojë shumë projektit ambicioz rus. Edhe vetë parlamenti europian ka kërkuar që projekti të ndalet, duke e konsideruar atë si projekt jo në përputhje me politikën energjitike të BE-së dhe interesat e saj strategjike.
Lexo: Putin shpall gjendjen e jashtëzakonshme pas derdhjes masive të naftës në Arktik
Ndalimi i Nord Stream 2 është masë parandaluese ndaj përhapjes së ekspansionit dhe dhunës së paparashikueshme ruse brenda territorit dhe në shtete europiane, shkeljes së ligjeve dhe normave ndërkombëtare nga Rusia, konfuzionit dhe situatave të paparashikueshme që siç u dëshmua edhe gjatë këtij viti pandemik, e patën zanafillën në Rusi.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English