Një fëmijë nga Belgjika, në moshën 9-vjeçare,do të diplomohet në nivelin bachelor muajin e ardhshëm,
Laurent Simons po studion inxhinieri elektrike në Universitetin e Teknologjisë Eindhoven (TUE).
I përshkruar nga profesorët e tij si “i jashtëzakonshëm’, Laurent është në rrugën e duhur për të përfunduar studimet e tij në Dhjetor.
Ai më pas planifikon të ndjekë doktoraturën për inxhinieri elektrike, ndërsa studion gjithashtu edhe për mjekësi, tha babai i tij për CNN.
Prindërit e tij, Lydia dhe Alexander Simons, menduan se gjyshërit e Laurent po e ekzagjeronin kur thanë që ai ishte një “dhuratë”, por mësuesit e gjeniut shumë shpejt e konfirmuan këtë.
“Ata vunë re diçka shumë të veçantë tek Laurent”, tha Lydia.
9-vjeçari vjen nga një familje mjekësh. Prindërit e tij deri më tani nuk kanë marrë asnjë shpjegim se përse fëmija i tyre është i aftë të mësojë kaq shpejt. Duke qeshur, e ëma e tij tha se kishte ngrënë shumë peshk gjatë shtatzënisë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
