Pacientët 78-vjeçarë ishin në gjendje të njihnin anëtarët e familjes dhe të lexonin tekste, menjëherë pasi u hoqën fashat. – “Ne jemi krenarë që jemi në ballë të këtij projekti, i cili do të prekë jetët e miliona njerëzve.” – thotë profesori Irit Bahar.
Një i moshuar 78-vjeçar, i cili ka qenë i verbër në të dy sytë, për 10 vite ka rifituar shikimin e tij pasi iu vendos implanti i parë i kornesë artificiale të krijuar nga “Israeli startup’s CorNeat”.
Implanti “CorNeat KPro” u krijua për të zëvendësuar korneat e deformuara, të shënjuara apo të errësuara dhe përputhet me murin e syve pa patur nevojë të mbështetet në inde. Kreu i Departamentit të Okulistikës në Qendrën Mjekësore “Rabin” (ish Spitali Beilinson) në Petah Tikva, profesori Irit Bahar kreu procedurën. Menjëherë pasi ishin hequr fashat, pacienti ishte i aftë të njihte anëtarët e familjes dhe të lexonte tekste.
Lexo: Akademia e sigurisë kibernetike, vjen nga kompania izraelite dhe universiteti Luarasi
-“Procedura kirurgjikale ishte e drejtpërdrejtë dhe rezultati tejkaloi të gjitha pritjet tona. Momenti kur hoqëm fashat ishte emocionues dhe domethënës. Momente si këto janë përmbushja e punës sonë si mjek. Ne jemi krenarë që gjendemi në ballë të këtij projekti emocionues dhe kuptimplotë i cili padyshim do të prekë jetën e miliona njerëzve.”- u shpreh Bahar.
Krijuesi dhe bashkë-themeluesi i “CorNeat KPro”, Dr. Gilad Litvin tha: “ Të zbuluarit e këtij syri të implantuar dhe të qenit në atë dhomë, në atë moment, ishte surreale. Pas shumë vitesh pune të palodhur, të shohësh një koleg i cili implementon me lehtësi CorNeat KPro dhe gjithashtu të dëshmosh një person i cili rifiton shikimin ditën tjetër, ishte aq emocionuese sa të jepte mornica, shumë lotë u derdhën në atë dhomë.”
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
