Njerëzit janë shumë të zënë për tu larë? - Krijohet lavatriçja e parë për njerëz! - Business Magazine Albania

Njerëzit janë shumë të zënë për tu larë? – Krijohet lavatriçja e parë për njerëz!

Njerëzit janë shumë të zënë për tu larë? - Krijohet lavatriçja e parë për njerëz!
~4 minuta lexim

Menduat se tualeti japonez është i avancuar? Kompania japoneze e kokave të dushit, Science Co., ka sjellë kuptimin e ri të “pod” pas krijimit të një “lavatriçeje njerëzore të së ardhmes” të fuqizuar nga inteligjenca artificiale, e cila premton t’u ofrojë njerëzve banjën e ëndrrave.

“Jemi rreth 70% të gatshëm,” tha kryetari i kompanisë, Yasuaki Aoyama, gjatë një ligjërate në Pavijonin e Kujdesit Shëndetësor në Osaka në fund të tetorit, raportoi publikimi japonez Ashahi Shimbun.

E quajtur “Mirai Ningen Sentakuki”, kjo kapsulë dushi e teknologjisë së lartë është plotësisht e mbyllur, si një dhomë kriogjenike për higjienë, dhe kërkon vetëm 15 minuta për të larë dhe tharë përdoruesin. Pasi përdoruesi ulet në sediljen qendrore, kapsula e tejdukshme mbushet pjesërisht me ujë, siç është demonstruar në një video virale në YouTube. Sensorët e integruar në sedilje matin pulsin dhe metrikat e tjera biologjike të personit për të siguruar larje në temperaturën ideale. Më pas, përdoruesi spërkatet nga rryma uji me shpejtësi të lartë, që përmbajnë flluska ajri 3 mikrometër të gjera, raportoi Daily Mail. Kur këto flluska shpërthejnë, prodhojnë një valë presioni të vogël, por të fuqishme, që pastron papastërtitë nga lëkura — e njëjta metodë e përdorur për të pastruar komponentët elektrikë që nuk mund të lahen me kimikate. Ashtu si shumë gjëra të tjera sot, nga telefonat inteligjentë deri te restorantet, kjo lavatriçe ofron shumë më tepër sesa funksioni i saj kryesor. Në këtë rast, një sistem inovativ me inteligjencë artificiale analizon biometrikat e përmendura më sipër për të parë nëse klienti është i qetë apo i emocionuar dhe më pas projekton një video të zgjedhur posaçërisht në brendësinë e kapsulës plastike për të qetësuar nervat e tij.
Si rezultat, përdoruesi merr një pastrim të thellë psikologjik krahas atij fizik, sipas pretendimeve të kompanisë.

LEXO EDHE: 16 mjete inteligjente për të përshpejtuar zhvillimin e startupit tuaj

Kjo teknologji mund të duket revolucionare, por është në fakt një rast i “larjes dhe përsëritjes”: bazohet në një makinë të ekspozuar në Ekspozitën Botërore të Japonisë në vitin 1970 nga kompania Sanyo Electric Co., tani Panasonic Holdings Corp. Ajo pajisje, e quajtur Ultrasonic Bath, mbushej gjithashtu me ujë kur përdoruesi hynte brenda dhe më pas lëshonte valë ultratingujsh, si dhe topa plastikë që masazhonin trupin e banjësit. Edhe pse pajisja nuk pati sukses, Aoyama — i cili priti në radhë si një nxënës i klasës së katërt për ta provuar banjën atëherë — u frymëzua për të krijuar lavatriçen e tij të automatizuar për njerëzit. “U emocionova duke menduar se çfarë lloj e ardhmeje do të kishte,” tha drejtuesi i kompanisë së banjave. “Ne do të ofrojmë një lavatriçe të re njerëzore si një trashëgimi nga ekspozita e vitit 1970.” Ashtu si paraardhësi i saj, ai planifikon të ekspozojë Mirai Ningen Sentakuki në prill në Expo 2025 në Osaka, ku 1,000 njerëz do të kenë mundësinë ta provojnë këtë pajisje të teknologjisë së lartë. Kompania tashmë po pranon rezervime për këtë banjë të automatizuar në faqen e saj të internetit.

Por mos u shqetësoni nëse nuk mund të udhëtoni në Osaka për ta provuar — kompania planifikon të prezantojë një version për përdorim shtëpiak në të ardhmen.

NY

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

✨ Thënia e ditës
“Nëse të ofrojnë një vend në një anije kozmike, mos pyet çfarë vendi, thjesht hip”
— Sheryl Sandberg
Must watch
Business Mag Nr. #38 - Qershor 2025

Shqipëria është sot më pranë se kurrë Bashkimit Europian. Hapat integrues të ekonomisë drejt njëjtësimit me standardet europiane, transformimi digjital, ligji për mbrojtjen e të dhënave, qasja ndaj inovacionit dhe mbrojtja e pronës intelektuale, janë të gjitha tregues të një Shqipërie që po zhvillohet me ritme të kënaqshme.

Kjo nuk është më Shqipëria e viteve të gjumit institucional dhe të një sektori privat që rri në pritje. Sot, vendi është në lëvizje. Nga hapësirat e betonit gri të Piramidës në Tiranë, ku të rinjtë po programojnë të ardhmen, e deri te sipërmarrjet që sjellin zgjidhje inovative dhe injektojnë ritëm e ambicie në treg, po ndërtohet një ekonomi që kërkon të jetë pjesë e botës së zhvilluar.

“Krijo, por mbro!” – ky apel i DPPI-së duhet të shkruhet në çdo zyrë, studio, fabrikë apo laborator. Nuk ka zhvillim pa siguri ligjore, dhe nuk ka ekonomi kreative pa mbrojtje të së drejtës autoriale.
Në të njëjtën kohë, Bashkimi Europian po zgjat dorën me fonde dhe projekte konkrete. Nga modernizimi i rrjetit hekurudhor tek financimi i startup-eve dhe sipërmarrjeve të gjelbra, mbështetja e BE-së po i jep frymë një transformimi të qëndrueshëm ekonomik. Platformat si Think Big dhe programet e edukimit digjital janë duke krijuar një ekosistem të ri për inovacionin.

Për bizneset shqiptare, e tashmja është një mundësi që nuk mund të shpërdorohet. Standardet …

Shiko më shumë
Na ndiqni në rrjetet sociale
0