Facebook është përballur me sinjalizues, raportime te tmerrshme nga mediat dhe hetimet e Kongresit vitet e fundit. Por tani ajo përballet me një kombinim të treja këtyre në të njëjtën kohë në atë që mund të jetë kriza më intensive dhe më e gjerë në historinë 17-vjeçare të kompanisë.
Të premten, një konsorcium prej 17 organizatash të lajmeve amerikane filluan të botojnë një seri historish – të quajtura kolektivisht “The Facebook Papers” – bazuar në qindra dokumente të brendshme të kompanisë, të cilat u përfshinë në zbulimet e bëra nga Komisioni i Letrave me Vlerë dhe të ofruara për Kongresin në formën e redaktuar nga këshilltari ligjor i Françes Haugen, sinjalizues i Facebook.
Dokumentet përfshijnë histori rreth mënyrës se si grupet e koordinuara në Facebook mbjellin mosmarrëveshje dhe dhunë, duke përfshirë 6 janarin, si dhe sfidat e Facebook për moderimin e përmbajtjes në disa vende jo anglishtfolëse dhe se si trafikantët e qenieve njerëzore kanë përdorur platformat e saj për të shfrytëzuar njerëzit.
Raportet nga CNN dhe mediat e tjera që janë pjesë e konsorciumit, pasojnë një muaj investigime intensive për kompaninë. Ëall Street Journal më parë publikoi një seri historish të bazuara në dhjetëra mijëra faqe të dokumenteve të brendshme të Facebook-ut të zbuluara nga Haugen.
Aktualisht nuk ka fund në horizont për problemet e Facebook. Anëtarët e nënkomisionit kanë bërë thirrje që CEO i Facebook Mark Zuckerberg të dëshmojë. Dhe të premten, një tjetër ish-punonjës i Facebook në mënyrë anonime paraqiti një ankesë kundër kompanisë, me akuza të ngjashme me ato të Haugen.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
