Një program Përshpejtimi Biznesi nga Shqipëria për të gjithë Ballkanin - Business Magazine Albania

Një program Përshpejtimi Biznesi nga Shqipëria për të gjithë Ballkanin


Pas organizimit të suksesshëm të akseleratorit të pare të biznesit në vitin 2014, në mbështetjte të ideve të reja sipërmarrëse shqiptare me impakt social, ku startupe në fazën e ideve u formësuan si biznese reale – shembulli i njohur është kompania Dentemm – ambiciet e drejtuesve të Yunus Social Business erdhën duke u rritur. Në planet e tyre, Shqipëria do të shërbente si një nyje (Hub) e rëndësishme nga e cila të mund të organizohen aktivitetet e Yunus në mbështetje të sipërmarrjeve të gjithë rajonit. Dhe është bukur kur planet marrin jetë.

Më Nëntor 2015 Yunus Social Business Albania filloi Programin të Përshpejtimit të Biznesit 2015, në të cilin u hapën thirrje për aplikime nga i gjithë Balkani për startup-et e reja me impakt social. Sipas Shkëlzen Markut, Drejtor i Yunus Albania, në vazhdim të thirrjes edhe eventeve informative që u realizuan në disa vende të Ballkanit, pati prurje idesh biznesi mjaft cilësore.

Prej tyre u përzgjodhën ato që kishin potencial zhvillimi si biznese të qëndrueshme dhe që ofronin një impakt social. Shtrirja gjeografike e startup-eve ishte nga Shqipëria, Bosnia, Serbia, Maqedonia etj. Programi i Përshpejtimit të Biznesit u drejtua nga Emil Lamprecht, Menaxher i ‘Google Launchpadx’, një hyper-akselerator i organizuar nga gjigandi i kërkimit.
“Historikisht ne shohim inovacion të madh social që buron nga zonat në nevojë në kohëra të vështira, dhe unë besoj që edhe në ditët e sotme, potenciali është aty.” – shprehet ai ndërkohë që e pyesim mbi potencialin e startup-eve me impakt social në Shqipëri dhe Ballkan.

Ju mund të lexoni artikuj të ngjashëm si: Emil Lamprecht – Bashkohuni me mua dhe Yunus Social Business Accelerator. Inovacioni social buron nga zonat në nevojë. Potenciali është aty.

Muaji Shkurt shënoi fazën përmbyllëse të programit dhe në zyrat e Yunus Social Business Albania, u mblodhën startupet të cilat arritën ta përfundojnë me sukses programin dhe tashmë janë të gatshme që ta çojnë më tej projektidenë e tyre, falë ekspertizës së përftuar dhe horizonteve të hapura falë mentorëve dhe aktiviteteve të ndryshmë të networking. Disa prej tyre janë në fazën kur mund të përthithin investime.

Takimi në Tiranë, përveç proçesit trajnues, mblodhi bashkë mentorët e Yunus si edhe mentorë shqiptarë, anëtarë të ekosistemit të sipërmarrjes që po zhvillohet në Shqipëri.

Interesant është fakti se vetë një nga bashkëthemelueset e Yunus Social Business, Zj. Saskia Bruyten, erdhi për të përshëndetur aktivitetin dhe për të ndjekur nga afër fazën vlerësuese të startupe-ve që iu nënshtruan programit.

“Jam këtu që të takohem me sipërmarrësit socialë që më parë i kemi ndihmuar, për të parë se si kanë ecur dhe çfarë mund të bëjmë për t’i mbështetur më tej. Gjithashtu po punojmë për një program të përbashkët me USAID, që është një nga mbështetësit më të rëndësishëm këtu në Shqipëri.” – shprehet ajo në një intervistë ekskluzive për Business Magazine Albania.

Programe të tilla, që mbledhin kaq shumë aktorë të sipërmarrjes nuk mund të kalojnë pa u mbuluar në formën e kësaj speciale nga Business Magazine Albania.

 

/Artikulli u publikua më parë në faqen 25 të numrit 9 të revistës Business Magazine Albania. Për të shfletuar të plotë revistën klikoni këtu.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0