Bashkimi Ndërkombëtar i Astrofizikantëve ka certifikuar zgjedhjen e bërë nga shqiptarët për planetin që më parë quhej HD82886b dhe yllin ku ai rrotullohej.
Lajmi është bërë i ditur nga astrofizikantja Mimoza Hafizi, e cila vlerësohet të ketë lobuar për këtë. Ndërkohë edhe studies jashtë vendit e kanë ndarë këtë lajm, duke uruar dhe shkencëtaren shqiptare. Planeti dhe ylli me emra të dashur për ne, janë 400 vite dritë larg planetit Tokë.
Në statusin e saj në rrjetin social Facebook, Hafizi shkruan:
Sot Bashkimi Ndërkombëtar i Astrofizikanëve çertifikoi zgjedhjen që mijra shqiptarë i bënë emrit Arber për planetin HD 82886b dhe emrit Illyrian për yllin rrotull të cilit ai sillet.
Këto dy objekte astronomike ndodhen më shumë se 400 vite-dritë larg nesh, distancë gjigande në dimensionin njerëzor, por e vogël në dimensionin universal, të cilin njerëzimi po përpiqet ta kuptojë, eksplorojë e madje ta pushtojë.
Me këtë zgjedhje, ne shqiptarët dërguam një copë të historisë sonë drejt qendrës së Galaksisë. Le të presim që në këmbim të marrim Urimin Galaktik për jetë të gjatë e mirëqënie të kombit tonë!
Le të jetë planeti Arber një burim dijesh për ne dhe njerëzimin tokësor!
Le të jetë Arberi simboli i progresit të pandalshëm të inteligjencës sonë!
Le të jetë ky planet mik, një pasqyrë për të parë me dashuri Tokën tonë të bekuar, ku natyra na fali jetën.
Gëzuar vitin 2020!
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
