Një Peticion Online për Diasporën

Një Peticion Online për Diasporën


Doktori i ekonomisë z.Mark Kosmo, është kryetar i Massachusetts Albanian American Society në Boston. Gjithashtu ka qenë i angazhuar me Programin e Diasporës Shqiptare  në Universitetin e Harvardit. Së fundmi, ai është angazhuar në krijimin e një Peticioni Online për Diasporën. I kontaktuar nga BusinessMag.al ai na tregon pse e ka ndërmarrë këtë iniciativë dhe cili është qëllimi i këtij peticioni. Ky peticion në vetvete mbart bashkëpunim të sinqertë nga qeveria shqiptare. Ai synon diçka serioze dhe jo vetëm shfaqje politike dhe fjalë boshe. Për të qenë i qartë, ai shprehet se shpreson një bashkëpunim të mirfilltë dhe serioz.

“Kjo çështje nuk është marrë seriozisht asnjëherë”,- shprehet ai. Kosmo thotë gjithashtu se mungesa e pjesëmarrjes në Samit nuk ishte rastësi, pasi vetë kryeministri i vendit zoti Rama nuk është angazhuar asnjëherë seriozisht lidhur me këtë çështje. Çështja e diasporës sipas tij nuk po merret seriozisht dhe krijimi i këtij peticioni shprehet se është diçka e nevojshme. “Nëse duhej t’i jepja një qeverie shqiptare një vlerësim prej 1-10 për angazhim serioz të diasporës, një 2 do të ishte tepër bujar”,- thotë ai. Më tej ai thotë se nuk pret diçka pozitive nga Rama, por çështjet përdiasporën po i shtron për atë vetë dhe për të gjithë ato që do të vijnë pas tij.

Ju mund të shikoni këtu Peticionin për Diasporën

Lexo:  Ja si mendon t’i lidhë shqiptarët në botë Mark Kosmo

Për BusinessMag. al ai shprehet se ky peticion ka tre qëllime :

  • Bashkëpunime formale me qeverinë
  • Më shumë vetëdije dhe diskutim për diasporën
  • Diskutim me kryeministrin dhe me të gjithë ato që do vijnë pas tij në lidhje me çështjen e diasporës

Më 12 Mars 2019 Marku i ka dërguar qeverisë shqiptare një shkresë, përmes së cilës ka shfaqur dëshirën për të bërë 5 rekomandime, ku gjithashtu është shfaqur i hapur të diskutohet edhe për çështje të tjera. Ndër kërkesat e tij janë:

  1. Ministri i Shtetit për Diasporën t’u përgjigjet me shkrim letrave dhe kërkesave të dërguara nëpërmjet postës elektronike nga përfaqësues të ndryshëm të diasporës dhe mos t’i injorojë përgjithësisht ato siç ka bërë deri tani.
  2. Çdo Samit i ardhshëm i diasporës duhet të jetë mbarëshqiptar dhe duhet të organizohet nga Bashkësia Shqiptare Globale me mbështetjen e qeverive të Shqipërisë, Kosovës, Maqedonisë Veriore dhe Malit të Zi.
  3. Të zgjidhet një grup pune prej 15-20 personash nga organizatat udhëheqëse të diasporës së bashku m e Ministrinë e Shtetit për Diasporën, Agjensinë Kombëtare të Diasporës dhe Ministrinë për Diasporën në Kosovë.
  4. Konsultimet me grupin e punës dhe mbledhjet me diasporën të bëhen pjesë e pandashme e zbatimit dhe strategjisë.
  5. Krijimin e një Këshilli Global të Diasporës mbarëshqiptare, duke përfaqësuar të gjitha vendet e origjinës në Ballkan (Shqipërinë, Kosovën, Maqedoninë Veriore, Malin e Zi, Luginën e Preshevës, Medvegjën dhe Bujanovçin).
  6. Krijimi i Këshillit Koordinues të Diasporës duhet të shtyhet, derisa grupi i lartpërmendur i punës të mund t’i shqyrtojë tërësisht të gjitha alternativat në mënyrë  gjithëpërfshirëse.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0