Një sipërmarrës i cili kërkon emrin e duhur mund të punësojë një agjenci emërtimesh e cila ofron ide, por kjo kushton dhjetëra mijëra dollarë.
Kjo është arsyeja pse shumë sipërmarrës i emërtojnë bizneset sipas emrit të tyre. Një artikull i kryer së fundmi nga akademikët në shkollën e biznesit Fuqua në Universitetin Duke në Karolinën e Veriut, sugjerojnë se kjo është zgjedhja e duhur që sjell dhe më shumë fitime.
Studimi përfshiu bizneset e vogla në Europën perëndimore. Ai u mbështet në një shembull prej pothuajse 2 milion firmave, të dhënat e të cilave gjenden në Amadeus, një bazë me të dhëna komerciale. Firmat zakonisht ishin, mesatarisht, mjaft të reja, me pak aksionarë dhe punonjës. Duke kontrolluar mbiemrat e aksionerëve më të mëdhenj, autorët zbuluan se 19% e firmave ishin emëruar sipas emrave të themeluesve të tyre.
Pas llogaritjeve të faktorëve të tjerë, firmat që mbanin emrin e aksionerëve më të mëdhenj gëzonin një kthim të aseteve (ROA) që ishte me tre pikë përqindje më të lartë se kompanitë e tjera.
Sipas autorëve nëse ju emërtoni një firmë me emrin tuaj, ju dërgoni një sinjal. Ju besoni se produkti juaj është mjaftueshëm i mirë për të prezantuar reputacionin tuaj, jo vetëm atë të kompanisë tuaj. Nëse ju dështoni, ky dështim do t’ju ndjek gjatë gjithë karrierës suaj.
Kjo hipotezë u testua duke krahasuar emra të ndryshëm. Themeluesit me një emër të zakonshëm do të identifikohen më pak me firmat e tyre. Kështu që sinjali do të jetë i dobët. Të dhënat tregojnë se premia ROA është me të vërtetë më e ulët për firmat e emëruara nga themeluesit me emra të zakonshëm.
Nëse po mendoni që pas këtij artikulli të ndryshoni emrin e biznesit tuaj, mos e bëni. Është vonë. Është më e thjesht të zgjidhni një emër tjetër kur e nisni një kompani sesa ta ndryshoni duke vendosur emrin tuaj e më pas të dështoni.
/Economist
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
