Një vajzë u “përdhunuar virtualisht” nga një i huaj, në aplikacionin Meta, Horizon Worlds. Sipas pretendimeve, një person tjetër “shikonte dhe kaloi një shishe vodke”, pavarësisht situatës.
Organizata jofitimprurëse SumOfUs, e cila bën fushata për të frenuar fuqinë në rritje të korporatave, dërgoi një studiuese 21-vjeçare në botën virtuale. Rreth një orë pas përdorimit të platformës, avatari i saj u sulmua seksualisht, në një përvoje sipas saj “çorientuese dhe konfuze”.
Një zëdhënës i Meta tha për MailOnline, se studiuesja nuk kishte aktivizuar opsionin Personal Boundary, një opsion sigurie që është i aktivizuar si parazgjedhje dhe parandalon që personat që nuk janë miq në platformë të vijnë brenda avatarit tuaj.
Lexo: “Young Innovators” çmime për studentët më inovatorë
“Ne nuk e rekomandojmë çaktivizimin e funksionit të sigurisë me njerëzit që nuk i njihni”, tha zëdhënësi.
Horizon Worlds u publikua nga Meta në Dhjetor dhe i lejon përdoruesit të mblidhen me persona të tjerë, të luajnë lojëra dhe të ndërtojnë botët e tyre virtuale.
Mark Zuckerberg do që ta transformojë platformën në një “metaverse”, një hapësirë kolektive të përbashkët virtuale që përmban avatarë të njerëzve të vërtetë
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
