Nga karburantet bosh në Angli, tek anijet e mallrave në SHBA. “Makthi” i zinxhirëve të furnizimit do të përkeqësohet - Business Magazine Albania

Nga karburantet bosh në Angli, tek anijet e mallrave në SHBA. “Makthi” i zinxhirëve të furnizimit do të përkeqësohet

Zinxhiret e furnizimit
~3 minuta lexim

Mungesa e çipave kompjuterikë. Mbingarkesa e portit të Los Angelosit. Dhe një mungesë serioze për shoferë kamionësh. Zinxhirët jetik të furnizimit në botë janë nën stres ekstrem.

Makthi i zinxhirit të furnizimit po rrit çmimet për konsumatorët dhe ngadalëson rimëkëmbjen ekonomike globale. Fatkeqësisht, Moody’s Analytics paralajmëron se ndërprerjet e zinxhirit të furnizimit “do të përkeqësohen ende përpara se të japin shenja përmirësimi”.

Në të vërtetë, FMN uli parashikimin e saj të rritjes amerikane të vitit 2021 të martën me një pikë përqindjeje, më e larta nga ekonomitë e G7. FMN përmendi ndërprerjet e zinxhirit të furnizimit dhe dobësimin e konsumit – i cili në vetvete është nxitur pjesërisht nga bllokadat në zinxhirin e furnizimit, ku rasti tipik është industria automobilistike që ka ulur prodhimin për shkak të mungesës së cipave kompjuterikë.

“Kontrollet kufitare dhe kufizimet e lëvizshmërisë, mos-disponueshmëria e një leje vaksine globale dhe kërkesa për tu karantinuar në shtëpi e personave të infektuar janë kombinuar në një stuhi të përsosur, ku prodhimi global do të pengohet sepse dërgesat nuk bëhen në kohë, kostot dhe çmimet do të rriten dhe rritja e PBB -së në mbarë botën nuk do të jetë aq e fortë si rezultat, “shkroi Moody’s në raport.

Moody’s tha se “pika më e dobët” mund të jetë mungesa e shoferëve të kamionëve – një çështje që ka kontribuar në mbingarkesën në porte dhe ka bërë që stacionet e naftës në Mbretërinë e Bashkuar të mbeten bosh.

Fatkeqësisht, Moody’s paralajmëroi se ka “re të errëta përpara” sepse në lojë janë disa faktorë që në përplasje me njëra-tjetrën prodhojnë “ngërcce” në zinxhirët e furnizimit.

Lexo edhe: OBSH jep datën për përfundimin e pandemisë, por Bill Gates thotë se ai ka ‘zgjidhjen e vetme’ për t’i dhënë fund krizës

Së pari, firma vuri në dukje dallimet në mënyrën se si vendet po luftojnë Covid, me Kinën që synon zero raste ndërsa Shtetet e Bashkuara janë “më të gatshme të jetojnë me Covid-19 si një sëmundje endemike”.

Së dyti, Moody’s përmendi mungesën e një “përpjekjeje të bashkërenduar globale për të siguruar funksionimin e qetë” të rrjetit logjistik dhe transportit në mbarë botën.

Të tjerët janë shumë më optimistë për perspektivën e zinxhirit të furnizimit.

Drejtori i Përgjithshëm i JPMorgan Chase, Jamie Dimon tha të hënën se këto “ngërcce” të zinxhirit të furnizimit do të zbehen shpejt.

“Kjo nuk do të jetë aspak një çështje vitin e ardhshëm,” tha Dimon gjatë një konference të mbajtur nga Instituti i Financave Ndërkombëtare, raportoi CNBC. “Kjo është pjesa më e keqe e saj. Unë mendoj se sistemet e mëdha të tregut do të përshtaten ashtu siç kanë bërë kompanitë.”

Burimi: CNN 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

✨ Thënia e ditës
“Nëse nuk dështon ndonjëherë, atëherë nuk je inovativ mjaftueshëm.”
— Elon Musk
Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0