Laura Anderson është një shembull që çdo kush mund ta ndryshojë jetën e tij. Rrëfimi i saj ka bërë bujë sidomos në TikTok, duke frymëzuar mijëra njerëz që kërkojnë të dalin nga rutina dhe të ndërtojnë diçka të madhe.
Laura hoqi dorë nga universiteti në semestrin e parë. Pastaj punoi si kameriere, më pas mbushte raftet në një dyqan, dhe më në fund u shkarkua.
Por ajo nuk u dorëzua, ajo u bë milionere, dhe e gjitha nisi me një vendim të thjeshtë, të mos pranojë një të ardhme që nuk i jepte lirinë që donte.
Përpjekjet e para
Laura u zhvendos në Los Angeles dhe punoi përsëri si kameriere. Shpesh me orë të gjata dhe tips të vogla, ajo kuptoi shpejt se puna e saj nuk do ta çonte askund.
Një natë, pasi mbaroi një tjetër turn të lodhshëm, ajo pa një tweet që i ndryshoi gjithçka:
“Nëse je pa para, mëso një zanat dixhital. Shit atë. Shpëto.”
Pa e ditur saktësisht çfarë nënkuptonte “zanat dixhital”, Laura filloi të mësonte vetë nga videot në YouTube aftësi të reja:
- Marketing dixhital
- Copywriting
- Email marketing
- Menaxhimi i funnels
Nga një klient tek shumë klientë
Pasi u ndjeu pak e sigurt në aftësitë e saj, Laura filloi të aplikonte për punë freelance në Indeed, Upwork dhe LinkedIn. Klienti i saj i parë e pagoi 2,500$ në muaj, edhe pse ajo nuk kishte përvojë të madhe.
Me kalimin e kohës, Laura mësoi se si të afrohej tek klientët, të mbyllte kontratat dhe të dorëzonte rezultate. Brenda pak muajsh kishte disa klientë dhe fitonte më shumë sesa kur punonte si kameriere.
Muajt me fitime 6-shifrore
Kur filloi të fitonte rreth 30,000$ në muaj, Laura ndërmori një hap të madh, outsourcing dhe automatizim i punëve. Ajo filloi të përdorte freelancerë dhe mjete AI, duke shndërruar 40 orë pune në 10 orë efektive.
Kjo e lejonte të fokusohej tek zgjerimi i biznesit dhe të fitonte muaj me 100,000$ dhe më shumë. Laura e quajti këtë model: 10-Hour Work Month.
Nga sukseset personale tek ndihma për të tjerët
Sot, Laura drejton një agjenci dixhitale fitimprurëse, mban podcast, ka një audiencë të madhe dhe madje ka nënshkruar një kontratë libri me Blackstone Publishing.
Por gjithçka filloi me një vendim të thjeshtë, të ndalonte pritjen që dikush ta shpëtonte dhe të mësonte diçka të vlefshme vetë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto