Nga 1 marsi Shqipëria rrit rrogat dhe pensionet - Business Magazine Albania

Nga 1 marsi Shqipëria rrit rrogat dhe pensionet


100 milionë dollarë është buxheti që i është rezervuar rritjes së pagave për punonjësit në administratën shtetërore dhe të pensionistëve përgjatë vitit të ardhshëm. Bëhet fjalë për mësuesit, policët, mjekët, infermierët, ushtarakët, pensionistët dhe punonjësit e tjerë në shtet, rroga e të cilëve do të rritet nga 1 marsi i vitit të ardhshëm.

Në komunikimin javor me qytetarët përmes rrjetit social Facebook, kryeministri Edi Rama, tha se kjo është shuma më e madhe që i rezervohet familjeve të punonjësve të shtetit dhe pensionistëve.

Rama tha se rroga minimale do të rritet me rreth 35 %, duke u bërë më e lartë se në Kosovë, Malin e Zi dhe Serbi dhe fare pak më e vogël se në Maqedoni. Pavarësisht rritjes, rroga mesatare do të ketë sërish taksën më të ulët mbi pagën në të gjithë rajonin – theksoi Rama.

Ndërsa rroga mesatare – sqaroi ai – do të bëhet më e lartë se në Kosovë dhe Serbi dhe do të jetë më afër mesatares në Maqedoni.

Kreu i qeverisë solli në vëmendje se qeveria e mëparshme në 8 vjet ndau nga buxheti i shtetit për rroga dhe pensione 124 milionë dollarë. “Duke llogaritur dhe 100.4 që janë ndarë në këta tre vjet nga ulja e taksës mbi rrogë plus 40 milionë dollarë nga i njëjti mekanizëm i uljes së taksës vitin e ardhshëm, arrijmë që falë kësaj faze të parë të reformave spostojmë në buxhetet familjare të punonjësve dhe pensionistëve 240.4 milionë $ brenda një mandati të vetëm”, tha Rama.

Rama tha se ulja e taksës mbi rrogën ndau nga buxheti dhe 300 milionë dollarë për buxhetet familjare të punonjësve të sektorit privat, duke bërë që kontributi total gjatë mandatit për rritjen e pagave në shtet, privat dhe pensionistët, arrin në 540 milionë dollarë.

“Duhet kohë dhe durim shembullor për t’i çuar përpara këto reforma dhe për të marrë rezultate ende shumë më të prekshme. Mos të presim më shumë për të ndarë të ardhurat buxhetore frytet e para të reformave me të gjithë ata që i garantojnë reformat me punën dhe sakrificat e tyre në shërbim të tyre. Rritje të ndjeshme të rrogave të gjitha familjeve të atyre që punojnë për shtetin që duam të bëjmë, roli i tyre është i pazëvendësueshëm për t’i çuar para. Familjet e tyre meritojnë të marrin shpërblim domethënës”, – shtoi më tej kreu i qeverisë.

 

Burimi: gazetaexpress.com

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0