Një juri gjyqësore në Tyler County, Texas akuzoi Netflix, i cili ka transmetuar filmin francez fitues të çmimeve, për promovimin e materialit vizual të pasjellshëm që përshkruan një fëmijë. “Juria ka paditur Netflix”, thanë prokuroret, me akuzën e promovimit të shthurjes me filmin “Cuties’. Prokurorët e qarkut thanë se akuza ishte e bazuar në një ligj të Teksasit që e bën të paligjshme “promovimin me vetëdije” të materialit që përshkruan organet gjenitale ose zonën pubike të një fëmije, të veshur ose të veshur pjesërisht, dhe “i cili apelon për interesin e prirur për seks dhe nuk ka asnjë vlerë serioze letrare, artistike, politike ose shkencore. “Ligjvënësit e këtij shteti besojnë se promovimi i një materiali “të poshtër” të fëmijëve ka pasoja shkatërruese,” tha Lucas Babin, avokati i rrethit penal, në një deklaratë.
LEXO: Filmi kontrovers, Netflix humb 9 miliardë dollarë në një ditë
Netflix tha në një deklaratë se kompania që qëndron pranë filmit “Cuties” është kundër seksualizmit të fëmijëve të vegjël dhe se “kjo akuzë është e pamerituar”. Nuk është ekzaktësisht e qartë se çfarë dënimesh po kërkonte zyra e z. Babin, në çështjen e saj kundër Netflix. Deklarata e përshkruan akuzën si një “krim në burg shtetëror”. Komedia franceze shkruar dhe e drejtuar nga franko-senegalezi Maimouna Doucoure, në debutimin e saj si regjisore, rrëfen jetën e të voglës Amy, 11-vjeçare senegaleze që regjistrohet në një shkollë vallëzimi të quajtur ‘cuties’, ‘të lezetshme’ (në gjuhën origjinale ‘mignonnes’), ku fillon të shfaqet aspekti femëror i saj dhe hyn në konflikt me një familje me vlera tradicionale myslimane.
Një tjetër detaj i filmit që ka shkaktuar goxha polemika është vetë posteri. Të gjitha të miturat, kanë veshur rroba që u ekspozojnë pjesët e trupit dhe kanë marrë poza provokative para kamerës: një vallëzim i papërshtatshëm sensual, kanë qenë kritikat në Twitter dhe Instagram. “Nxit pedofilinë”, ka qenë një nga komentet në rrjetet sociale, “ato skena që vajzat kanë bërë dhe ribërë para një stafi burrash pa patur askënd që t’i mbrojë, ku ishin të rriturit?”. Filmi është kategorizuar si “R”, pra mund të shihet nga personat nën 17 vjeç vetëm me praninë e prindërve, por protagonistet janë të mitura. Pra skenat e filmit nuk mund të shihen nga fëmijët por janë xhiruar nga disa vajza minorene.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
