Nën moton “We promote skills” nis edicioni i 5-të i Albanian Skills - Business Magazine Albania

Nën moton “We promote skills” nis edicioni i 5-të i Albanian Skills


Nën moton “We promote skills”, rikthehet për të 5 vit radhazi konkursi i aftësive profesionale, i pari i këtij lloji në Shqipëri i themeluar në vitin 2014 nga Albanian Skills. Ky konkurs shtrihet gjatë një jave duke filluar nga data 6-12 Maj, ku dhe finalizohet me tre çmime në çdo kategori konkurimi.

Albanian Skills është një iniciativë e pavarur shqiptaro-zvicerane që synon promovimin e aftësive profesionale dhe të mësuarit gjatë gjithë jetës. Edhe këtë vit, aktivitetet e Albanian Skills do të shtrihen përgjatë një jave të plotë, “Albanian Skills Week 2019”. Aktivitetet kanë nisur në Tirana Business Park dhe do të vijojnë pranë kompanive të ndryshme gjatë javës. Albanian Skills përfshin 6 profesione në këtë edicion të 5-të si media sociale, hoteleri-turizëm, dizajn grafik, zhvillim faqeje, programim dhe fotografi.

Lexoni: Përfundon me sukses edicioni i IV-ët i Albanian Skills Week 2018

Krahas organizimit tradicional të konkurseve profesionale të aftësive, do të zhvillohen gjithashtu trajnime, workshop-e, ekspozime të ndryshme, ditë të hapura në kompani të ndryshme dhe aktivitete zbavitëse dhe edukative. Organizatorët e kësaj nisme besojnë se ekonomia e një vendi domosdoshmërisht ka nevojë për profesionistë të kualifikuar, të cilët mund të ndërtohen mbi një sistem të fortë arsimi dhe formimi profesional, por mbi të gjitha me bashkëpunimin e kompanive të sektorit privat.

Një iniciativë inovative, unike e ndërmarrë në fushën e kapitalit njerëzor në Shqipëri, Albanian Skills nxit dhe mbështet të rinjtë shqiptarë nga mosha 16-25 vjeç për t’u bërë pjesë e fuqisë punëtore dhe e aftë në Shqipëri duke prezantuar mënyra të reja të promovimit të aftësive, krijimit të kushteve / mundësive për të rinjtë e talentuar duke përmirësuar dhe ndërtuar një karrierë më të mirë. Objektivi është afrimi i të rinjve, të shkollave profesionale, universiteteve, të punësuarve të rinj që gjithashtu dëshirojnë t’i futen rrugës së sipërmarrjes. Kjo nxitje bëhet përmes ofrimit të mundësive të të nxënit praktik, zhvillimit të tyre mëtejshëm professional dhe personal, rrjetëzimit me partnerë dhe individë vendas dhe të huaj.

Lexoni: Ana Zacharian: Me Albanian Skills promovojmë aftësitë profesionale të të rinjve shqiptarë

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0