Guximi nuk është mungesa e frikës, por triumfi mbi të. Njeriu trim nuk është ai që nuk ka frikë, por ai që e fiton këtë frikë.
Gjithkush mund të ngrihet mbi rrethanat e tij dhe të arrijë sukses, nëse është i përkushtuar dhe i apasionuar për atë që bën.
Arsimi është arma më e fuqishme që mund të përdorni për të ndryshuar botën.
Këto janë vetëm disa nga thëniet e Nelson Mandelës që kanë frymëzuar njerëzimin. Ai sot po kujtohet në mbarë Botën me rastin e 100 vjetorit të lindjes së tij.
Në Tiranë është çelur ekspozita e fotografive në kujtim të Nelson Mandelës. Ekspozita në mjediset e konsullatës së Afrikës së Jugut do të qëndrojë e hapur deri në fund të muajit. Ne mesazhin e tij për ndër të Nelson Mandelës, Konsulli i nderit Zenel Hoxha, ka kërkuar që të nderohen edhe Mandelat shqiptarë.
I pranishëm në ceremoninë e hapjes ishtte edhe ambasadori i Afrikës së Jugut Siri Soni. Në ekspozitë paraqiten foto nga jeta e Nelson Mandelës si dhe piktura të piktorit impresionist Sefedin Stafa.
Në ceremoninë e hapjes merrnin pjesë përfaqësues të ambasadave të ndryshme të akredituara në vendin tonë si dhe anëtarë të komunitetit të Afrikës së Jugut.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
