Në të ardhmen, kurë kuantike falë superkompjuterëve - Business Magazine Albania

Në të ardhmen, kurë kuantike falë superkompjuterëve

Në të ardhmen e afërt, ilaçet e reja nuk do të kërkohen përmes përpjekjeve të gjata dhe të vështira në laborator. Një revolucion është bërë i mundur nga kompjuterët kuantikë, të cilët u bënë realitet vetëm në vitin 2019. Ato tashmë kanë zgjuar interesin e disa kompanive të mëdha farmaceutike.

“Bashkëpunimi i parë në këtë sektor ishte ndërmjet Boehringer Ingelheim dhe “Google Quantum AI”, divizioni specifik i kompanisë së Mountain View, që planifikon të përdorë algoritmet dhe burimet e “Big G” për të kuptuar sjelljen e një molekule specifike, për shembull ndaj një virusi. Kështu nuk ka nevojë për ta krijuar dhe studiuar atë në laborator”, raporton revista “Ieee Spectrum”.

Nga ana tjetër, kompania shumëkombëshe “Roche” zgjodhi së fundi “Cambridge Quantum Computing” për të hartuar algoritme me qëllim përdorimin e kompjuterëve kuantikë në fazat e hershme të zhvillimit të terapive.

LEXO: Si po e përdor Japonia superkompjuterin më të fuqishëm të botës për të përshpejtuar mjekësinë e personalizuar.

Kompjuterët kuantikë, ndryshe nga ata tradicionalë, shfrytëzojnë aftësinë e atomeve për të qenë njëkohësisht në një gjendje “0” dhe “1”. Një kubit, njësia minimale e informacionit të kompjuterit kuantik (në krahasim me ‘bitin’ e atij klasik), mund të bëjë dyfishin e veprimeve.

“Përparësi ka fakti se është në gjendje të simulojë molekulat dhe reaksionet kimike më mirë se në superkompjuterët aktualë”, shpjegon Chad Edwards, kreu për Strategjinë në “Cambridge Quantum Computing”.

Sipas ekspertëve, përdorimi i kompjuterëve dhe përllogaritjeve janë tashmë në bazën e zhvillimit të ilaçeve risi. Megjithatë, për shkak të strukturës së algoritmeve, kompjuterët e sotëm nuk janë në gjendje të zgjidhin shumë nga problemet reale. Ato janë sfida kryesore në fazat e hershme të zhvillimit, duke filluar me simulimin dhe analizën e molekulave të lidhura me mekanizmat me të cilët zhvillohen sëmundjet. Në këtë aspekt, kompjuterët kuantikë kanë potencialin të krijojnë risi në fushën risi farmaceutike për një sërë sëmundjesh.

ANSA

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0