Në Asamblenë Kombëtare të Partisë Socialiste, kryeministri Edi Rama prezantoi qeverinë e re për mandatin e katërt. Surpriza më e madhe ishte emri i ministres së parë të krijuar me Inteligjencë Artificiale, e cila quhet Diella.
Sipas Ramës, Diella nuk ka kufij gjeografikë dhe do të shërbejë kryesisht për menaxhimin e prokurimeve publike, duke sjellë një qasje të re dhe më transparente në administratë.
Ky është rasti i parë në historinë e qeverive shqiptare. e ndoshta edhe në nivel ndërkombëtar, që një ministre virtuale bëhet pjesë e kabinetit. Rama e cilësoi këtë një hap drejt së ardhmes, duke nënvizuar rolin e teknologjisë në transformimin e politikës.
Iniciativa ka ngjallur menjëherë reagime dhe pyetje mbi funksionimin praktik të kësaj ministre digjitale dhe ndikimin e saj në vendimmarrje.
Ministrat e tjerë të përzgjedhur janë:
Belinda Balluku – Zëvendëskryeministre dhe Ministre e Infrastrukturës dhe Energjisë
Petrit Malaj – Ministër i Financave
Adea Pirdeni – Ministre e Shtetit për Antikorrupsionin
Majlinda Dhuka – Kryenegociatore për Integrimin në BE
Pirro Vengu – Ministër i Mbrojtjes
Albana Koçiu – Ministre e Brendshme
Delina Ibrahimaj – Ministre e Ekonomisë dhe Inovacionit
Mirela Kumbaro – Ministre e Arsimit
Blendi Gonxhja – Ministër i Kulturës dhe Turizmit
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
