Nazim Salihu-Noli, stilisti me duar të arta - Business Magazine Albania

Nazim Salihu-Noli, stilisti me duar të arta


Nazim Salihu, i quajtur “Noli” nga bashkëmoshatarët e tij, hapat e parë në flokëtari i nisi në moshën 15 vjeçare, kur nëna e tij e shtynte që të merrej me një zanat pas orarit të mësimit.
Në vitet 80-të, flokëtaria ishte trend, kështu që Noli u dashurua menjëherë me këtë profesion. Shkolla ku e mësoi zanatin quhet Aerodromi (Shkup), një ndër më të mirat në atë kohë në rajon.

Pas përfundimit të shkollës, familja e Nolit u shpërngul për në Kosovë, ku ai hapi sallonin e tij “Noli’s Hair”në qytezën e Lipjanit.

Jo shumë kohë më pas, në një kompeticion flokëtarie në Budapest, Hungari, Noli mori pjesë dhe u shpërblye me vendin e tretë.

Lexo: Çfarë i bën të suksesshëm vëllezërit Halimi të cilët njihen anembanë botës

Në vitin 1999 emigron në shtetin Minnesota të Amerikës dhe përmes kontakteve dhe miqve të tij ai gjen një punë si stilist në sallonin Airport Barber Styles në aeroportin MSP. Puna në këtë sallon i ka mundësuar Nolit që të takohet dhe t’ua rregullojë flokët disa figurave të famshme të Hollywoodit si : Jennifer Aniston, Luck Welson, dhe këngëtarit Keny Roger.

Noli nuk është kufizuar vetëm në flokëtari. Ai prej vitit 2014 ka filluar të merret edhe me produksion & efekte filmike. Me partnerin e tij ka themeluar studion e produksionit- AIA Production, ku së fundi kanë nisur një emision për jetët e njerëzve të suksesshëm në Amerikë.

Noli ka fituar një sërë çmimesh si: Master Stylist Ambasador Program 2014, Appreciation Certificate Channel 3, Noli’s hair salon “The best in Rocky hill  Connecticut” për vitet 2014,2015,2018,2019, Wintage chic dressing present, Cerftificate Appreciation for the contribute for the Gala night in new York dedicated to ‘’thirrja e nanave” association Gjakova, e shumë të tjerë.

I pyetur nga BusinessMag se kush e ka mbështetur në rrugëtimin e tij drejt suksesit, Noli përveç familjes dhe miqve të tij, përmendi disa stilistë të njohur si:

Ken Kirk Patrick, Michael Chaesa dhe Nick Trombeta.

Objektivat e tij për të ardhmen janë që të hapë disa sallone të reja flokëtarie, të përvetësojë më shumë artin e tij në efektet filmike, si dhe të bëhet pjesë e Unionit të Hollywoodit.

Noli deklaron se do të mundohet t’i ndihmojë sa më shumë artistët dhe gjeneratat e reja në rrugën drejt suksesit.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0