NASA do të përpiqet përsëri të shtunën të nisë raketën e saj të re drejt Hënës në një fluturim provë, pasi problemet me motorin ndalën nisjen më herët këtë javë.
Pas shqyrtimit të të dhënave, inxhinierët besojnë se tani e kuptojnë pse ndodhi problemi. Ata mendojnë se ka të ngjarë të lidhet me një lexim të pasaktë të sensorit dhe se mund të zhvillojnë një strategji për t’u marrë me problemin në ditën e nisjes. Kjo përfshin fillimin e procesit të ftohjes së motorëve më herët gjatë numërimit mbrapsht. “Ne kemi një rrugë përpara për të arritur atje ku duhet të arrijmë, për të mbështetur nisjen e radhës,” tha John Honeycutt, i cili menaxhon projektin e raketave Space Launch System (SLS) në NASA.
Ndërsa duhet të ishte realizuar vite më parë sipas planit, fluturimi provë me kosto prej 4.1 miliardë dollarësh është hapi i parë i programit të NASA-s për eksplorimin e Hënës. Programi është quajtur Artemis, sipas motrës binjake të Apollonit në mitologjinë greke. Astronautët mund të bëhen pjesë e udhëtimeve që në vitin 2024 për një xhiro rreth Hënës dhe në vitin 2025 për të tentuar një ulje në sipërfaqen e saj.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
