Rritje tjetër e çmimit të naftës. Bordi i Transparencës ka bërë të ditur çmimin e naftës me të cilin do ta blejmë naftën nga e shtuna e kësaj jave. Pra, prej mëngjësit të së shtunës, në pikat e karburantit një litër naftë do t’ju kushtojë 245 lekë. Prej të martës çmimi ishte 233 lekë, ndërsa javës së kaluar u tregtua me 218 lekë. Bordi ka mbajtur të pandryshuar çmimin e benzinës, duke e tregtuar me 218 lekë për litër.
Mbi dy javë më parë çmimi i naftës kërceu menjëherë në 260 lekë/litër nga 199 që ishtë disa ditë rresht. Kjo solli protesta në shesh.
Bordi përbëhet nga përfqqsues të qeverisë dhe operatorë të tregut të karburanteve. Këta të fundit kanë këmbëngulur në një përllogatje më të mirë të kostove fikse, çka duket se ka ndikuar në rritjen e çmimeve.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
