Musk teston çipin që lidh trurin me makineritë

Elon Musk

Elon Musk ka zbuluar se ka vendosur një çip kompjuterik në kokën e një derri të quajtur Gertrude. Qëllimi i Musk është që të krijojë një lidhje mes trurit dhe makinerisë.

Elon Musk

Musk ka aplikuar vitin e kaluar që projekti i tij të testohet tek njerëzit. Neuralink, e cila u themelua në vitin 2017, është kompania e teknologjisë nervore të Musk, që po zhvillon një implant për të ndërhyrë direkt në trurin e njeriut.

Lidhja e trurit me çipin mund të lejojë njerëzit me sëmundje të ndryshme neurologjike që të kontrollojë telefonat dhe kompjuterët me mendje. Miliarderi argumenton që çipa të tillë mund të përdoren për të ndihmuar në kurimin e demencës, sëmundjes së Parkinsonit dhe dëmtimeve të palcës kurrizore.

Lexoni: Elon Musk: Brenda një viti truri i njeriut do të lidhet me kompjuterin

Ambicia e Musk është afatgjatë dhe ai e quan “njohja mbinjerëzore”. Për miliarderin kjo është pjesë e luftës kundër inteligjencës artificiale në të ardhmen, pasi sipas tij ajo mund të shkatërrojë jetën njerëzore.

Procesori që vendoset në tru dërgon disa sinjale. Kjo u vu re edhe tek Gertrude sa herë që kërkonte ushqim. Musk ka deklaruar se pajisja Neuralink është thjeshtuar dhe është bërë më e vogël.

“Përshtatet shumë mirë në kafkë. Mund të vendoset poshtë flokëve dhe nuk e kupton që e ke”, ka deklaruar Musk.

Pajisja që kompania po zhvillon përbëhet nga një sondë e vogël që përmban më shumë se 3000 elektroda të bashkangjitura në fijet fleksibël më të hollë se flokët e njeriut, të cilat mund të monitorojnë aktivitetin e 1.000 neuroneve të trurit.

BBC

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale