Elon Musk ka bërë një ofertë për të blerë Twitter, duke thënë se kompania ka një potencial të jashtëzakonshëm dhe ai është personi duhur për ta zhbllokuar atë. Personi më i pasur në botë do të ofrojë 54.20 dollarë për aksion në para “cash”, duke e vlerësuar Twitter në rreth 43 miliardë dollarë.
Musk, 50 vjeç, njoftoi marrëveshjen e mundshme në një dosje me Komisionin e Letrave me Vlerë dhe Shkëmbime të SHBA të Enjten, pasi refuzoi një vend të mundshëm në bordin e kompanisë. Twitter tha se bordi i tij do të shqyrtojë propozimin dhe çdo përgjigje do të ishte në interesin më të mirë të “të gjithë aksionerëve të Twitter”.
Drejtori ekzekutiv i Tesla është një nga personat më të ndjekur në Twitter, duke postuar shpesh meme dhe tallje me 80 milionë ndjekësit e tij.
Ai ka qenë mjaft i qartë për ndryshimet që do të dëshironte të impononte në platformën e mediave sociale dhe kompania i ofroi një vend në bord, pas blerjes së parë të aksioneve në vlerën 3.35 miliardë dollarë.
Musk filloi menjëherë të lajmëronte përdoruesit për ndryshimet e mundshme, nga kthimi i selisë së Twitter në San Francisko në vendbanim për të pastrehët dhe shtimi i një butoni redaktimi për “cicërimat” deri te dhënia e shenjave automatike të verifikimit për përdoruesit “Premium.”
I pakënaqur me ndikimin që vjen nga të qenit investitori më i madh i Twitter, ai tani dëshiron ta blejë tërësisht kompaninë, një nga individët e paktë që mund ta përballojë. Pasuria e Musk aktualisht vlerësohet rreth 260 miliardë dollarë, sipas Indeksit të Miliarderëve të Bloomberg, krahasuar me vlerësimin e tregut të Twitter prej rreth 37 miliardë dollarësh.
Megjithëse Musk është personi më i pasur në botë, ende nuk është zbuluar se si do të gjejë 43 miliardë dollarë para të gatshme.
Pjesa më e madhe e zemërimit të Musk kundër Twitter-it është drejtuar kundër asaj që ai e percepton si censurë nga platforma. Në një letër drejtuar bordit të Twitter, së bashku me detajet në lidhje me ofertën e tij, Musk tha se ai beson se Twitter: “as do të lulëzojë dhe as do t’i shërbejë strukturës shoqërore [fjala e lirë e tij] në formën aktuale. Twitter duhet të transformohet si një kompani private” – shtoi ai.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
