Gjermania po i qëndron deri në fund etiketimit si “motori ekonomik i Europës”: As inflacioni, kriza energjike, vështirësitë nga lufta në Ukraine apo mungesa e lëndës së parë nuk i penguan dot sipërmarrjet gjermane që ta rrisnin prodhimin në shtator.
Industria, ndërtimi dhe furnizuesit e energjisë së bashku prodhuan 0.6 për qind më shumë se në muajin e kaluar, njoftoi Zyra Federale e Statistikave, dhe kjo në kohën kur projeksionet parashikonin e shumta një rritje prej vetëm 0.2 përqind. Sigurisht, ashtu si shumë të tjerë, as vendi i fuqishëm europian nuk ka imunitet ndaj krizës dhe ekspertët vazhdojnë të flasin për një recesion gjatë dimrit.
Megjithatë, ai nuk do të jetë aq i ndjeshëm sa gjatë krizës së koronavirusit për sa kohë që depozitat e gazit janë të mbushura mirë dhe furnizimet e bollshme e përjashtojnë nevojën për racionimin e gazit.
Këtë e tregon edhe një sondazh i institutit ifo në Mynih. Sipas këtij sondazhi, sipërmarrjet aktualisht shqetësohen shumë më pak për ekzistencën e tyre sesa gjatë fazës së rritjes së pandemisë. Sipas të dhënave të publikuara në fund të tetorit,ekzistencën e tyre e shohin sit ë kërcënuar 7.5% e sipërmarrjeve. Në qershor 2020, ato ishin 21.8%. “Përballë ngadalësimit të ndjeshëm ekonomik, sipërmarrjet po tregohen shumë të fuqishme”, ishte përfundimi i specialistëve. / Reuters
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
