Mos prisni momentin e duhur. Momenti i duhur është tani!


Ka kaq shumë gjëra për të bërë në jetë. Disa duan të nisin një biznes, disa duan të publikojnë një libër, dhe disa duan të udhëtojnë.

Çfarëdo qoftë bëje tani!

Shoh pafund njerëz me ëndrra dhe sytë e tyre të mbushur me shpresë dhe dëshirë duke pritur për momentin e duhur.

Ajo që ata nuk dinë është se nëse ata do të vazhdojnë të presin për momentin e duhur, ata do të përfundojnë duke pritur përgjithmonë. Siç thotë dhe logo e Nike “Thjesht bëje”.

Këto janë disa këshilla për të menaxhuar më mirë kohën dhe për të dhënë maksimumin nga 24 orët e ditës.

  • Njih prioritetet e tua: Është më e lehtë për të menaxhuar kohën nëse i njihni mirë prioritetet tuaja. Në vend që të punoni pa mend, ju duhet të vendosni fokusin në gjërat që kanë rëndësi. Shkruani tre deri katër gjëra të rëndësishme dhe urgjente që dëshironi të arrini sot. Kjo do ta mbajë trurin aktiv dhe do t’ju japë një ndjenjë të qëllimit.
  • Planifiko më parë: Është e kotë të fillosh të bësh diçka pa e planifikuar atë. Kur gjërat janë planifikuar deri në detaj, kanë më shumë shanse dhe për t’u realizuar. Ju zgjoheni me një mendje të qartë duke e ditur saktësisht se çfarë duhet të bëni dhe si të filloni ditën.
  • Ndiq kohën tënde: Një nga mënyrat më të mençura për të menaxhuar kohën është të dini se ku po e shpenzon kohën në radhë të parë. Ka shumë mënyra për ta bërë këtë, kërkoni ndihmën e një miku ose përdorni aplikacione dhe softuer për “gjurmimin” e kohës për të marrë detajet e sakta dhe të qëndroni në krye të gjërave.
  • Mos thuaj po për çdo gjë: Mund të përputhet me pikën e parë, por është ndryshe. Shpesh ne tentojmë të mbushim pjatat tona me më shumë nga sa mund të përballojmë. Nuk duhet të kënaqni të gjithë rreth jush duke e çuar veten në fund. Në këtë mënyrë, ju vetëm do të bllokoni kohën të cilën mund ta përdornit shumë herë më të mirë.
  • Mbaj larg shpërqëndrimet: Një person mesatar pranon të harxhojë 3 orë në ditë. Disa nga hutimet e zakonshme përfshijn ëkërkimin në web, bisedat me kolegët e punës, bisedat telefonike etj. Ndërprerje të tilla gjatë punës dhe hutimet ju kushtojnë jo vetëm orët e çmuara, por edhe punë të vlefshme dhe energji.

/Sandeep Kashyap

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale