Armela Murati është gruaja e parë pilote në vendin tonë. 25-vjeçarja është me origjinë nga Burreli. Ajo vendosi që pasionin për lartësinë, ta kthente në një profesion dhe mbi të gjitha, të mos heqë dorë nga ëndrra e saj.
Ditët e fundit ajo ka marrë vëmendjen e medias dhe në intervista të ndryshme ka theksuar se ndonëse donte të merrte një formim ushtarak, aplikimet nuk ishin të hapura kur përfundoi shkollën e mesme. Ndaj, nisi edukimin në një fushë tërësisht tjetër dhe sapo u hap mundësia e saj e studimit dhe ndjekjes së karrierës ushtarake, Armela u angazhua.
Lexo: 6 gra që kanë ndryshuar fytyrën e lidershipit në banka dhe financa
Sot ajo është pilotja e parë grua. Kryeministri Edi Rama ka ndarë foton e Muratit në një postim në ‘Facebook’, ku thekson faktin se 25-vjeçarja do futet në historinë e Shqipërisë si pilotja e parë grua. Më tej, ajo u përmend në Kuvend nga znj. Elisa Sporopali, si shembulli i gruas së guximshme.
Me arritjen e saj në moshë kaq të re, Armela na mëson se nuk duhet të heqim dorë nga ëndrrat tona. Nëse diçka duket e pamundur sot, edhe rrethanat do të jenë pro jush nëse vijoni të kërkoni të punoni për to.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
