Është miratuar tashmë rimbursimi i mjekimit për të sëmurët me COVID ’19. Vendimi i Këshillit të Ministrave vlen për personat që do të trajtohen në shtëpi. Për formën e lehtë të sëmundjes rimbursimi është parashikuar në vlerën e 1 mijë e 650 lekëve, ndërsa një formë më e rëndë e infentimit do të rimbursohet deri në vlervn 10 mijë e 900 lekë.
Vendimi i Këshillit të Ministrave parashikon që rimbursimi të kryhet nga Fondi i Sigurimit të Detyrueshëm të Kujdesit Shëndetësor.
Paketa e barnave për trajtimin ambulator në banesë përbëhet nga dy skema trajtimi në varësi të formës së sëmundjes. Vlera e rimbursimit të paketës së barnave për skemën e parë të trajtimit, ku bën pjesë forma e lehtë do të jetë jo më shumë se 1 mijë e 650 lekë. Ndërsa për formën e mesme të sëmundjes vlera e rimbursimit të medikamenteve do të jetë jo më shumë se 10 mijë e 900 lekë.
Receta e rimbursimit për personat e diagnostikuar pozitiv me koronavirus do të lëshohet nga mjeku i familjes sipas rregullave të përcaktuara nga Fondi i Sigurimit të Detyrueshëm të Kujdesit Shëndetësor. E gjithë popullata konsiderohet përfituese nga skema e sigurimeve shëndetësore, duke u regjistruar dhe identifikuar si e siguruar.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English