Misioni 9 vjeçar i ICT Awards, një garë nga e cila nuk ka humbës por vetëm triumfues - Business Magazine Albania

Misioni 9 vjeçar i ICT Awards, një garë nga e cila nuk ka humbës por vetëm triumfues

ICT Awards

Teknologjia na ka dëshmuar se përmes saj nuk janë rrëzuar vetëm barrierat fizike, por edhe mitet e një shoqërie. Edicioni i 9-të i ICT Awards i cili ka nisur përgatitjet për finalen e madhe i hap rrugë një dekade teknologji Shqiptare.

Më 29-30 Maj kandidatët e listës së ngushtë të edicionit të 9-të të ICT Awards treguan se limiti i tyre ishte imagjinata e tyre.

Pjesëmarrja e një inovacioni shqipfolës nga Shqipëria, Kosova, Maqedonia, Lugina e Preshevës, e mbarë diaspora Shqiptare është ajo që i jep karakterin e vërtetë kësaj gare: një garë mbarëkombëtare.

E dëshmuar si tempulli i inovacionit shqipfolës, juria e edicionit të 9-të të ICT Awards përbërë nga: Altin Petre, Visar Jasiqi, Alda Shehu, Azir Aliu, Igli Gjelishti, Gjergji Guri, Elton Domnori, Edlira Martiri dhe Ilir Capuni me vetëm pak ditë nga nata e madhe Gala e 11 Qershorit, vrapoi drejt inovacionit duke çarë mes përmes emocionit dhe pasionit të 18 kandidatëve në Tiranë e 18 në Prishtinë.

Një juri e pavarur nga organizatorët e garës dhe ka në përbërje figura të shquara të teknologjisë, ekspertë dhe profesionistë të dalluar udhëtoi nga Tirana në Prishtinë.

Idetë, projektet, sipërmarrjet, studimet, diplomat, startupet e karrierat e dëshmuara para jurisë nga lista e ngushtë e kandidatëve të këtij edicioni por edhe finalistëve dhe fituesve nga edicioni i parë janë vlera e vërtetë e një miioni mëse 9-vjeçar.

Lexo: Evenimenti më i madh kombëtar i teknologjisë ndez motorët e edicionit të 9-të

Nga ndërtimi i një gjuhe programuese, analiza të sulmeve kibernetike, teknologjia në shërbim të jetës, tek zhvillimi i aplikacioneve dhe platformave të cilat premtojnë të ndryshojnë mënyrën sesi shqiptarët punojnë e jetojnë, janë pasqyra më e drejtë e një Shqiptarie siç duhet ta shohim me të vërtetë.

Duke prekur thuajse çdo aspekt të jetëve të Shqiptarëve kudo në trevat shqipfolëse, nga luftimi i Covid-19 tek pasiguria online, kjo garë nuk ka njohur asnjëherë humbës por vetëm triumfues.

Dy takimet e jurisë i hapin rrugë Mbrëmjes Gala të 11 Qershorit e cila do të shohë guximtarë të rinj në 8 kategori: ICT Inovacioni i Vitit, ICT Startupi i Vitit, ICT Diploma e Vitit, ICT Ylli në Ngritje, Gruaja në ICT, Shërbimi Publik i Vitit, Siguria Kibernetike dhe Covid-19 Response.

Surpriza, të ftuar ekskluzivë dhe nën emocione të shumta do të mbahet Mbrëmja Gala e edicionit të 9-të më 11 Qershor 2021 në Tiranë ku do të bëhet edhe ndarja e çmimeve.

ICT Awards shpalli zyrtarisht të hapur garën më 26 Mars, dhe për herë të parë u organizua një eveniment plotësisht virtual, një hapje krejtësisht ndryshe nga vitet e kaluar për shkak të situatës së krijuar nga pandemia e Covid-19. Aplikimet në këtë garë mbeten të hapura deri më 30 Prill ku dhe mbërritën 78 projekte.

ICT Awards ka mbështetjen e sponsorëve gjeneralë dhe Diamond si Banka Raiffeisen, Fondacioni Dritan Hoxha, Albvision sponsorëve Platinum si Dev.al dhe Albsoft. Huawei, Baboon, AUK, Universiteti Metropolitan si sponsorë Gold dhe 3i Solution, Soft&Solution, Ritech dhe Facilization si sponsor Silver.

Bashkia Tiranë, Komuna Prishtinës, SEEU TechPark dhe KujuStudio janë partnerë të kësaj nisme.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0