Shqipëria ndodhet në një moment kyç të tranzicionit të saj drejt një ekonomie më të gjelbër, ku nismat e qëndrueshmërisë po shndërrohen në motorë të rinj zhvillimi dhe në këtë rrugëtim prania e BE-së në Shqipëri po bëhet një mbështetje e madhe për të nxitur modele biznesi që respektojnë mjedisin dhe forcojnë sipërmarrjen vendase, veçanërisht atë të grave dhe“Green Queen Award” është një nga ato iniciativa. Për të kuptuar më thellë ndikimin e kësaj nisme dhe rolin e grave në këtë transformim, zhvilluam një intervistë me Miriam Neziri Angonin, menaxhere me eksperiencë në drejtimin e programeve të BE-së për zhvillim të qëndrueshëm. Ajo ndan perspektivën e saj mbi potencialin e sipërmarrjeve të udhëhequra nga gra, sfidat strukturore të tregut dhe nevojën për politika mbështetëse që e afrojnë Shqipërinë me standardet evropiane.
Si e vlerësoni ndikimin e nismave si “Green Queen Award” në nxitjen e ekonomisë së gjelbër në Shqipëri, dhe si përputhet kjo me vizionin e BE-së për zhvillim të qëndrueshëm në vend?
Green Queen Award është një nismë e projektit të Delegacionit të BE-së në Shqipëri, nëpërmjet projektit EU4GreenGen, që ka një ndikim real dhe të matshëm në ekonomi. Ajo motivon sipërmarrjet e vogla dhe të mesme që të adoptojnë modele qarkulluese, të reduktojnë mbetjet, të përdorin burime natyrore në mënyrë më të përgjegjshme dhe të krijojnë produkte më të pastra e më inovative. Duke vlerësuar gratë sipërmarrëse që janë në pararojë të këtyre ndryshimeve, ne po forcojmë një kulturë të re ekonomike, atë të ndërmarrjeve që ndërtojnë vlerë duke qenë të qëndrueshme.
Artikull ekskluziv i Business Magazine Albania.
Ky artikull gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Business Magazine Albania” shoqëruar me linkun e artikullit origjinal
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
