Mesa duket lajmet e mira nuk kanë të mbaruar kur flitet për sipërmarësen e suksesshme shqiptare, Mirela Sula.
Mirela Sula, themeluesja e platformës së “Global Woman” për fuqizimin e rolit dhe impaktit të grave në botë për herë të parë do të flasë në një event me Baroness Michelle Mones, një nga majatet skoceze të biznesit dhe sipërmarrjes.
Tema e diskutimit do të jetë “Fuqizimi i grave sipërmarrëse”. Ky event i përmasave të tilla do të zhvillohet në Londër më datën 9 shkurt.
Për herë të parë pas Baroness Mones, Mirela Sula është gruaja e dytë në botë që do të mbajë fjalën e saj në “Success resources”, një fushë e dominuar gjithmonë nga burrat.
“Success Resources’’ është kompania e vetme në botë që ka të drejtat e Tonny Robins dhe të gjithë folësit publikë, e kanë ëndërr të jenë të ftuar nderi dhe të flasin në eventet e saj. Kjo është një arritje jo vetëm personale e Mirelës, por edhe kombëtare, pasi është e para shqiptare që do flas në një event të këtyre përmasave.
Forca e motivimit është ajo për të cilën do të flasin në skenë Mirela së bashku me Mones. Psikologjia me motivimin janë gjithmonë të lidhura në fushën e vetëzhvillimit dhe Mirela ka ditur si të sintetizojë brenda karakterit të saj profesional të gjitha eksperiencat e saj si psikologe, shkrimtare, gazetare dhe si njohëse e mirë e botës së gruas, brendisë së saj dhe nevojës për tu identifikuar në një botë moderne që ndryshon çdo ditë dhe kërkon përshtatje.
/Diell-online
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
