Ministria e Financave ka miratuar projektbuxhetin e 2021. Në një njoftim për shtyp, të martën, ministria njoftoi se ky projektbuxhet synon “rimëkëmbjen ekonomike të vendit”. Buxheti llogaritet të ketë një vlerë totale prej 479 miliardë lekë.
Objektivat kryesore, sipas ministrisë janë rritja e pagave për stafin mjekësor dhe mësuesit, rindërtimi i banesave, dhe masat parandaluese për Covid-19.
Lexoni: Shqipëria dhe Mali i Zi do të kenë tkurrjen më të madhe ekonomike në rajon
Qeveria ka parashikuar:
- 587.6 miliardë lekë ose 34.9% e PBB do të mbështesin një nivel të lartë investimesh publike.
- 29, 5 miliardë lekë për procesin e Rindërtimit — 28 mld lekë në vitin 2021 për rindërtim, edhe 1.5 mld lekë financimin e bonusit të qirave.
- 4.5 miliardë lekë për shëndetësinë — rritja e pagave të mjekëve me 40%, blerja e vaksinës Anti-Covid19, dhe masat parandaluese.
- 3.5 miliardë lekë për arsimin — rritja e pagës së mësuesve me 15 % dhe financimi i paktit për Universitetin.
- 1 miliard lekë për bujqësinë — heqja e aksizës së naftës për fermerët.
Qeveria parashikon për vitin 2021 nje rritje ekonomike prej 5.5 %, uljen e papunësisë në 12.2%, dhe rritjen e investimeve publike në 7.3% e PBB-së . Deficiti buxhetor për vitin 2021 planifikohet të jetë në nivelin 6.5% të PBB-së.
Tri reformat që do të mbështeten janë: Reforma në drejtësi, Reformën në administratën publike dhe Reformën e menaxhimit të financave publike.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
