Ministrja e Arsimit, Sportit dhe Rinisë Besa Shahini përmes një video-mesazhi në rrjetin social Facebook ka sqaruar çështjen e provimeve të maturës.
Ministrja Shahini u shpreh se në provimet e maturës nuk do të ketë pyetje për mësimet, që janë zhvilluar gjatë karantinës.
Sipas ministres, zhvillimi i mësimit në kushte shtëpie është i vështirë dhe për pasojë është vendosur që ato të hiqen nga testi i maturës.
Lexoni: Shtetet europiane lehtësojnë masat, Danimarka rihap shkollat
“Siç ju kemi njoftuar, në testin e maturës nuk do të ketë pyetje, të cilat janë mbuluar gjatë kohës që kemi mësuar në kushte shtëpie. Pra, në testin e maturës do të kemi pyetje nga klasa e 10-të, 11-të, si dhe nga klasa e 12-të për temat që janë zhvilluar sa kemi qenë ende duke mësuar në shkollë. Kjo për arsye se e kuptojmë që zhvillimi i koncepteve të reja në kushte shtëpie është i vështirë. Jo të gjithë nxënësit kanë mësuar mbi temat e reja në tempo dhe me të njëjtën cilësi. Ndaj që të jemi të drejtë, kemi vendosur që t’i heqim këto nga testi i maturës”, ka bërë me dije ministrja Shahini.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
