Ministrja e Ekonomisë dhe Financave Delina Ibrahimaj u është përgjigjur pyetjeve të gazetarëve në lidhje me një pakete të dytë mbështetëse për qytetarët, pas rritjes së çmimeve. Ministrja tha se paketa do të përfshijë masat e marra deri më tani, qoftë për mbështetjen e bizneseve ashtu edhe të familjeve.
‘Ne do te vazhdojmë të kemi një politikë mbështetëse për familjet në nevojë. Ne kemi bëre një akt normativ për të gjitha masat që do të marrim. Paketa përfshin masat e marra deri më tani, qoftë për mbështetjen e bizneseve ashtu edhe të familjeve. Paketa e dytë do bëhet publike në shtator dhe do të jetë pothuajse e njëjtë me paketën e parë. Ka pasur ngadalësim të investimeve këtë vit prandaj ne morëm përsipër një pjesë së kostove të ndërtuesve të kontratave publike. Detajimi i paketës së dytë do të bëhet me VKM dhe do të përfshijë muajit në vijim.’- tha Ibrahimaj.
Lexo edhe: Pritjet për inflacionin janë rritur sërish nga konsumatorët dhe bizneset
Sipas ministres Ibrahimaj, inflacioni në muajin korrik arriti 7.5%, por ishte më i ulët në krahasim me vendet e tjera fqinje. Ibrahimaj tha se kostot e transportit kanë ndikuar në rritjen e çmimeve për ushqimet dhe pijet, por sipas saj deri më tani ekonomia ka pasur performancë pozitive dhe inflacioni ka qenë i kontrolluar.
“Të dhënat tregojnë se ka pasur rritje ekonomike në tremujorin e dytë dhe të tretë. Ndërthurja e të gjitha politikave së bashku me mbështetjen ka sjellë që deri tani ekonomia shqiptare të ketë një performancë pozitive dhe inflacioni të jetë i kontrolluar. Inflacioni në Shqipëri është ndjeshëm më ulët se vendet e rajonit. Në 7 mujorin e parë të vitit inflacioni ka qenë 5.3%. Shqipëria me një inflacion 7.5% në muajin korrik është ndjeshëm më ulet nga vendet e rajonit. Elementi që ka ndikuar më së shumti në rritjen e çmimit të kostove të shqiptarëve janë ushqimet dhe pijet dhe kostot e transportit, por deri më tani ekonomia ka pasur performancë pozitive dhe inflacionin të jetë i kontrolluar falë masave të marra”- tha ministrja.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
