JASON ATEN, ekspert tech
Airbnb ka lançuar së fundi 70 funksione të reja. Një nga funksionet më të rëndësishme është krijimi i një Rrjeti të Co-Host.
Efekti i rrjetit të Airbnb është më i vlefshëm sa më shumë lista shtëpish të ketë, por ka shumë njerëz që mendojnë se nuk kanë kohën ose ekspertizën për të menaxhuar gjithçka që përfshin të qenurit një host. Ndaj, ata mund të bëjnë partneritet me një co-host të kualifikuar dhe me vlerësim të lartë, që menaxhon listën dhe përvojën e turistëve.
Brian Chesky, CEO i Airbnb tha se, “Besoj se rrjetet co-host do t’u lejojnë të gjithëve në botë, të fitojnë para nga shtëpia e tyre pa pasur nevojë të jenë host. Ata mund t’i besojnë personit që po lejojnë në shtëpinë e tyre për të menaxhuar pronën e tyre.”
Por, përveç bisedës mbi lançimin e fundit, ju ftoj të lexoni rreth fjalimit të famshëm “Modaliteti i Themeluesit”, si dhe mendimet e Chesky mbi liderët në përgjithësi.
Disa javë më parë, bashkëthemeluesi i Y Combinator, Paul Graham, publikoi një ese të titulluar “Modaliteti i Themeluesit”, e cila i referohej një fjalimi që Chesky kishte mbajtur për një grup të njohur alumni të inkubatorit të famshëm të startup-eve. Eseja shkaktoi shumë vëmendje dhe disa polemika. Shumë nga reagimet negative përqendroheshin në idenë se “modaliteti i Themeluesit” e vendos Themeluesin në pozita të kundërta me menaxherin, duke sugjeruar se një tip lideri është më i mirë ose më i suksesshëm. Sipas Chesky, çështja nuk është kjo.
“Nuk e quajta kurrë modalitet themeluesi,” tha Chesky për Inc. “Më pëlqen emri. Më duket shumë tërheqës. Mendoj se disavantazhi i emrit që duhet pranuar është se krijon një ndarje mes themeluesve dhe menaxherëve, dhe supozon se vetëm themeluesit mund të bëjnë diçka, dhe menaxherët nuk mund. Pothuajse çdo pjesë të ‘modalitetit të themeluesit’, ti mund ta bësh edhe nëse nuk je themelues”.
Objektivi i fjalimit të Chesky ishte të ndante udhëtimin e tij të lidershipit si një Themelues dhe tani si një CEO i një kompanie prej 85 miliardë dollarësh që po afrohet me një moment të rëndësishëm: pritjen e mysafirit të saj të miliardit të dytë. Kjo nuk është një gjë e vogël, duke marrë parasysh se kompania përballi një rënie prej 80% të biznesit dhe shkarkoi një numër të
“Udhëtimi im si lider ishte në thelb se isha një themelues”, thotë Chesky. “Ndjeva se isha një themelues shumë kompetent. Kalova nga një themelues kompetent në një CEO, jo shumë kompetent, mjaft i hutuar, duke mos ditur se çfarë të bëja. Dhe kam deleguar shumë, duke menduar se kjo është ajo që është udhëheqja e madhe. Mendova se kështu do të fuqizoja njerëzit. Deri diku ishte e tillë, por deri diku, isha thjesht i pranishëm. Udhëheqja ime nuk ishte e pranishme mjaftueshëm dhe nuk po merrja mjaft vendime, nuk po mbështesja ekipin dhe nuk po ndiqja detajet”.
Argumenti është se një lider që po merr shumë vendime nuk krijon hapësirë që ekipin të zhvillohet në rolet e caktuara. Askush nuk do të ndiejë se po menaxhohet shumë. Nga ana tjetër, Chesky sugjeron se—pavarësisht ngjyrimit negativ—menaxhimi i detajeve mund të mos jetë aq i keq sa mendojmë. Ka një ndryshim të rëndësishëm midis menaxhimit të detajeve—për të cilin Chesky është përkrahës—dhe të qenurit një menaxher për gjithçka.
“Mendoj se e gjithë gjenerata e themeluesve dhe liderëve është mësuar se liderët e mëdhenj punësojnë njerëz të mëdhenj dhe largohet nga rruga e tyre,” thotë Chesky. “Mendoj se kjo është një qasje e rrezikshme për lidershipin.”
Në vend të kësaj, Chesky sugjeron që të jesh i angazhuar thellë në detaje është thelbësore për formimin dhe rritjen e një kompanie. Dhe, kur e bën atë siç duhet, nuk ka pse të duket si menaxhim i detajeve për ekipin tënd.
“Ka një version të keq të angazhimit më detaje dhe ka një version të mirë të kësaj pune. Të angazhohesh në detaje nuk të bën një menaxher të ngushtë,” thotë Chesky.
Ai thekson marrëdhënien mes Steve Jobs dhe ish-dizajnerit kryesor të Apple, Jony Ive: Ive u pyet nëse ndonjëherë kishte ndjerë se ishte menaxhuar nga Jobs. Përgjigjia ishte: “Asnjëherë”. Të dy hanin drekë bashkë dhe Jobs shihte gjithçka që po punonte Ive, por nuk i tha asnjëherë se çfarë të bënte. Në vend të kësaj, ata bisedonin për produktet dhe zgjedhjet dhe Jobs ndihmonte Ive të përpunonte mënyrën se si të bënte gjërat më të mira.
“Mendoj se udhëheqja e madhe është prania, jo mungesa,” thotë Chesky. “Është të jesh në detaje, por nuk është të jesh si një autokrat, thjesht duke u thënë njerëzve se çfarë të bëjnë. Ti po punon me ta për të siguruar zgjidhje”.
Chesky e sheh futjen e tij në detaje me rëndësi për të ofruar produktet dhe përvojat më të mira për klientët e Airbnb. Si rregull thotë ai, “CEO, sa më shpesh të jetë e mundur, duhet të jetë shefi i produktit.”
Kjo nuk do të thotë se nuk duhet ta rrethosh veten me njerëz kompetentë dhe t’i fuqizosh ata për të bërë punën e tyre. Duhet! Thjesht do të thotë, sipas Chesky, se ka rëndësi të jesh partner I kolegëve. Duket se nuk janë vetëm vendimet e mëdha strategjike që kanë rëndësi. Detajet janë aty ku bëhen vendimet e rëndësishme që do të formojnë të ardhmen e kompanisë tuaj. Është përgjegjësia jote të jesh aty dhe të udhëheqësh.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
