Në vend që të tregojë rezultatet e kërkimit, instrumenti paraqet një kuti të madhe bosh. Microsoft ka rregulluar një defekt në Windows 10. Shumë përdorues postuan në rrjetet sociale se “Windows Search Bar” kishte pushuar së punuari. Përdoruesit thanë se kur përdorën mjetin e kërkimit në desktop, ajo paraqiste një kuti të zbrazët në vend të rezultateve relevante.
Disa orë pasi u raportua për herë të parë, kompania tha se “zgjidhi” problemin për shumicën e përdoruesve, por disa mund të kenë nevojë të rindezin kompjuterët e tyre.
Sistemi operativ Windows 10 ka 800 milionë përdorues në të gjithë botën. Microsoft nuk tregoi se sa përdorues janë ndikuar nga problemi.
Ky instrument është një nga lehtësuesit më të përdorur të Windows dhe ua bën më të lehtë përdoruesve të gjejnë skedarë, aplikacione, postë elektronike dhe përmbajtje tjetër të ruajtur në kompjuterin e tyre. Sidoqoftë, ndërsa ishte jashtë funksionit, përdoruesve u shfaqej vetëm një kuti e zbrazët gri.
Microsoft lëshoi një patch për këtë anomali dhe tha se nuk ka ndonjë provë që sistemi është depërtuar nga hakerët.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
