Kompania e teknologjisë Microsoft po bashkëpunon me Atom Computing për të ndërtuar superkompjuterin kuantik më të fuqishëm në botë, i cili do të jetë i disponueshëm edhe për përdorim komercial.
Microsoft deklaroi se ky superkompjuter do të jetë një hap përpara në platformën e saj të kompjuterit kuantik, Azure Quantum. Përmes këtij bashkëpunimi, Microsoft do të integrojë pajisjet e avancuara të Atom Computing në platformën e saj, duke sjellë një gjeneratë të re të kompjuterëve kuantikë që mund të përdoren në treg.
Gjithashtu, kompania njoftoi se, në bashkëpunim me kompaninë Quantinuum, ka arritur të krijojë dhe lidhë 12 kubite logjikë shumë të besueshëm (kubitet janë njësitë bazë të informacionit në kompjuterët kuantikë). Ky është numri më i madh i kubiteve të lidhur me njëri-tjetrin deri tani, me një saktësi të lartë.
Ndërkohë, Atom Computing ka deklaruar se po punon me Microsoft për të përshpejtuar zhvillimin e superkompjuterëve kuantikë të cilët mund të zgjidhin probleme shumë të vështira, të cilat nuk mund të zgjidhen nga kompjuterët tradicionalë më të fuqishëm. Synimi i këtij bashkëpunimi është të krijohen zgjidhje të reja dhe të avancuara që do të ndihmojnë në zgjidhjen e sfidave shkencore dhe komerciale, si simulimet kimike, parashikimet, dhe zbulimin e reagimeve komplekse kimike.
Lexo edhe: OpenAI pritet të lançojë modelin e ri “Strawberry AI” në dy javët e ardhshme
Kompania Atom Computing shtoi se qëllimi afatshkurtër është përmirësimi i saktësisë në llogaritjet kuantike duke lidhur shumë kubite logjikë me shkallë të ulët gabimi. Ata synojnë të rrisin numrin e kubiteve fizike dhjetëfish me çdo gjeneratë të re të sistemit të tyre, duke sjellë përparime të rëndësishme më shpejt se sa është menduar më parë.
Kjo bashkëpunim është një hap i madh drejt ndërtimit të kompjuterëve kuantikë që mund të përballen me sfida reale dhe praktike, duke i dhënë organizatave mjetet më të avancuara për të zgjidhur probleme komplekse.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English