Meta planifikon të ndërtojë një kabllo nënujor global prej 10 miliardë dollarësh

Meta po planifikon të ndërtojë një rrjet global kabllosh nënujorë me gjatësi mbi 40,000 km, një projekt që mund t’i kushtojë kompanisë mbi 10 miliardë dollarë.

Përdorimi i shërbimeve të saj, duke përfshirë rrjetet sociale të njohura si Facebook dhe Instagram, si dhe platformën e mesazheve WhatsApp, përbën 10% të gjithë trafikut në rrjetet fikse. Ky numër arrin deri në 22% të trafikut global në pajisjet mobile, duke e bërë infrastrukturën e Meta-s një nga më të përdorurat në botë.

Raportime të reja nga TechCrunch kanë zbuluar se Meta po synon të investojë në një rrjet kabllosh fibër optike, që do të jetë në pronësi ekskluzive të kompanisë së Mark Zuckerberg.

Lexo edhe:Zbulohet rezerva më e madhe e arit në botë, me vlerë rreth 80 miliardë dollarë!

Rrjeti i kabllove nënujorë të Meta-s

Burime të paidentifikuara, të njohura me planet e kompanisë, kanë konfirmuar këtë projekt, duke shtuar se aktualisht ndodhet në fazat fillestare. Detajet mbi buxhetin dhe planet specifike ende nuk janë konfirmuar, por eksperti i kabllove nënujorë, Sunil Tagare, parashikon se investimi do të kapë vlerën mbi 10 miliardë dollarë gjatë disa viteve. Meta pritet të ndajë informacionet e para rreth këtij projekti në vitin 2025, duke përfshirë rrugën e planifikuar për kabllot.

Megjithatë, planet e Meta-s mund të vonohen ose të kushtojnë më shumë nëse parashikimet e analistit të industrisë së kabllove nënujorë, Ranulf Scarborough, rezultojnë të sakta – pasi anijet që përdoren për vendosjen e kabllove janë të rezervuara disa vite përpara, për shkak të kërkesës së lartë.

Rruga e mundshme e kabullit

Raportime të pakonfirmuara sugjerojnë se rrjeti mund të shtrihet nga brigjet lindore të SHBA-së – Myrtle Beach dhe Virginia Beach – drejt Cape Town dhe Durban në Afrikën e Jugut, dhe më pas të vazhdojë deri në Mumbai dhe Chennai në Indi.

techradar