“Mëso Falas”/ Graphic Design si një mjet i rëndësishëm komunikimi - Business Magazine Albania

“Mëso Falas”/ Graphic Design si një mjet i rëndësishëm komunikimi

~3 minuta lexim

Mëso Falas” është një start-up i vetëfinancuar në fushën e edukimit, që ka nisur prej katër muajsh punën me video falas nëpërmes tre kategorive kryesore: Tutoriale, Tips & Tricks dhe Soft Skills. Platforma që ky start-up operon momentalisht është Youtube, duke informuar audiencën në rrjete sociale si Facebook, LinkedIn dhe Instagram. Qëllimi i “Mëso Falas” është që të ofrojë një platformë edukimi falas për të gjithë. Pavarësisht se platforma të ngjashme ekzistojnë në gjuhën angleze, në gjuhën shqipe është e vështirë të gjesh video lehtësisht të aksesueshme, profesionale dhe falas për të gjithë. “Mëso Falas” synon të arrijë audiencë të gjerë në të gjitha trojet shqiptare dhe për këdo person shqipfolës në botë. Iniciativa që forcojnë lokalitetet janë patjetër në dobi të së mirës së përgjithshme në nivel global.

“Graphic Design” si një mjet i rëndësishëm komunikimi

Graphic Design është një mjet i rëndësishëm që nxit komunikimin me njerëzit e tjerë apo kompanitë. Shërben për të shprehur ide në një mënyrë estetike përveçse efektive. Në kohët e sotme është një mjet i nevojshëm, i rëndësishëm dhe i domosdoshëm pasi jetojmë në një botë, kultura e së cilës po transferohet virtualisht, p.sh njerëzit e kanë më të lehtë të kuptojnë një koncept përmes një infografike, sesa të lexojnë një paragraf tekst për të.

Platforma e edukimit online “Mëso Falas” ofron në kuadër të seksionit të “Tutoriale” mini kurse falas për personat që e shohin të rëndësishme dhe dëshirojnë të aftësohen në këtë disiplinë, që po kërkohet sot më shumë se çdo kohë tjetër. Këto mini-kurse ofrohen nga një prej themeluesve të “Mëso Falas”, Olsi Xhaferaj, i cili ka më shumë se 5 vite eksperiencë në fushën e Graphic Design dhe më gjerë.

Në video tutorialin e sotëm, të quajtur “Efekti Double Exposure në Photoshop” prezantohet efekti i ekspozimit të dyfishtë, një efekt surrealist i cili bazohet në teknikën autentike të ekspozimit të shumëfishtë të përdorur nga Fotografët, ku dy fotografi janë ekspozuar mbi të njëjtin film për të përzier dy imazhe së bashku. Kjo teknike e Photoshop ka gjetur përdorim në postera filmash, reklama televizive apo foto kolazhe artistike.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0