Vetëm një jetë e mundimshme, si duket të bën që të kujtosh se si jetojnë të tjerët dhe në çdo kohë që mundesh të jesh pranë tyre dhe t’i ndihmosh.
E tillë duket të jetë Merita Pinta, vajza nga Ferizaj, e cila u detyrua ta braktiste Kosovën në moshë të re, atëherë kur shqiptarët në Kosovë mezi po ia dilnin.
Shpëtimin e gjeti tek Zvicra, njëri prej vendeve më joshës, por edhe vendi ku shqiptarët më së shumti ia kanë dalë mbanë. Ndjesia për solidaritetin e shqiptarëve të asaj kohe do të mishërohej në shpirtin e saj për të ndihmuar të tjerët. Ajo i hyri edukimit dhe ngritjes profesionale. Duke shkuar më tej, ajo do të niste një biznes të rrallë në Zvicër, një institucion për përkujdesjen e pleqve. Ky biznes do t’i sillte shumë fat familjes së saj dhe vetë Meritës, siç është edhe natyra e kësaj pune, fisnike dhe njerëzore.
Merita do të arrijë të bëhet femra më e sukseshme shqiptare në Zvicër. Ajo sot vlerësohet, jo vetëm nga shqiptarët në këtë shtet europian, por edhe nga vetë zviceranët.
E zgjuar, e kujdesshme dhe tejet e ndjeshme, këto tipare e bëjnë të dashur e të respektuar nga të gjithë, miq e dashamirës, por edhe nga nevojtarë krejtësisht të panjohur.
Merita Pinta institucionin për përkujdesin e personave të moshuar “Prima Pflege” e ka hapur në Teherfelden, në kantonin Argau.
burimi: shqiptari.eu
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
